Media-tur sheńberinde ǵalaba xabar quralları wákilleriniń Shomanay rayonındaǵı infrastruktura obyektlerine saparı dawam etti.
2026-06-09 19:30:00 / Министрлик
Qaraqalpaqstan Respublikası Joqarǵı Keńesiniń 2025-jıl 15-iyul kúngi 293-sanlı qararınıń orınlanıwın támiyinlew maqsetinde "Begjap" awıl puqaralar jıyını aymaǵındaǵı Uyǵır awıl elatlı punktiniń ishki jolında ámelge asırılǵan abadanlastırıw jumısları menen tanıstı. Bul aymaqta Shomanay rayonı Abadanlastırıw basqarması tárepinen 0,45 kilometr aralıqqa qum-sheben aralaspası jatqarılǵan.
Sonday-aq, media-tur qatnasıwshıları Qaraqalpaqstan Respublikası Joqarǵı Keńesi Prezidiumınıń 2026-jıl 6-marttaǵı 617-sanlı qararı tiykarında "Awır rayonlar" baǵdarlaması sheńberinde ámelge asırılıp atırǵan iri jol qurılısı joybarın da kózden ótkerdi. Atap aytqanda, Shomanay rayonı orayın xalıqaralıq áhmiyetke iye A-380 avtomobil jolı menen baylanıstırıwshı D 235 (4R-177) avtomobil jolınıń 45-67-kilometr aralıǵında ońlaw hám qara qaplamalı asfalt tósew jumısları alıp barılmaqta.
Media-tur juwmaǵında jurnalistler bul obyektlerde ámelge asırılıp atırǵan qurılıs jumısları, olardıń barısı hám aymaq infrastrukturasın jaqsılaw baǵdarında alıp barılıp atırǵan ilajları menen jaqınnan tanıstı.