Shomanay rayonında alıp barılıp atırǵan qurılıs jumısları ǵalaba xabar quralları wákilleriniń názerinde
2026-06-09 15:35:00 / Министрлик
Búgin, Shomanay rayonı hákimligi Málimleme xızmetiniń baslaması menen rayonda qurılıs tarawında ámelge asırılıp atırǵan keń kólemli jumısları hám erisilip atırǵan unamlı nátiyjelerdi ǵalaba xabar quralları hám jámiyetshilikke jaqınnan tanıstırıw maqsetinde media-tur shólkemlestirildi.
Búgin, Shomanay rayonı hákimligi Málimleme xızmetiniń baslaması menen rayonda qurılıs tarawında ámelge asırılıp atırǵan keń kólemli jumısları hám erisilip atırǵan unamlı nátiyjelerdi ǵalaba xabar quralları hám jámiyetshilikke jaqınnan tanıstırıw maqsetinde media-tur shólkemlestirildi.
Media-turda rayon hákiminiń orınbasarı A.Mámbetjanov, ǵalaba xabar qurallarınıń wákilleri hám blogerler qatnastı.
Dáslep, press-tur qatnasıwshıları
Ózbekstan Respublikası Prezidentiniń 2025-jıl 27-dekabr kungi "2026-2028-jıllar Ózbekstan Respublikası sociallıq infrastrukturasın rawajlandırıw ilajları haqqında"ǵı PQ-393-sanlı qararına tiykar, "Aqjap" awıl puqaralar jıyını aymaǵında qurılıp atırǵan 90 orınlıq mektepke shekemgi bilimlendiriw shólkeminiń qurılıs maydanında bolıp, ámelge asırılıp atırǵan jumıslar menen jaqınnan tanıstı. Bul obyekt boyınsha joybarlaw-smeta hújjetleri islep shıǵılǵan bolıp, ulıwma joybar bahası 5 milliard 858,6 million sumdı quraydı. Házirgi kúnde "PERSPEKTIVA MONTAJ NUKUS" juwapkershiligi sheklengen jámiyeti tárepinen sırtqı pardozlaw, elektromontaj hám imarattıń tóbesin jabıw jumısları alıp barılmaqta.
Bunnan soń, media-tur qatnasıwshıları "Birleshik" awıl puqaralar jıyını aymaǵında jaylasqan 27-sanlı ulıwma bilim beriw mektebiniń jańa imaratınıń qurılıs jumısları menen tanıstı. Bul joybar Ózbekstan Respublikası Prezidentiniń 2025-jıl 14-avgust kúngi "Qaraqalpaqstan Respublikasın sociallıq-ekonomikalıq jaqtan rawajlandırıwǵa qaratılǵan is-ilajlardı jánede jedellestiriw haqqında"ǵı PQ-248-sanlı qararı tiykarında ámelge asırılmaqta hám ulıwma joybar bahası 6 milliard 969,1 million sumdı qurap, búgingi kúnde "REAL-ENGINEER" juwapkershiligi sheklengen jámiyeti tárepinen fundament quyıw jumısları dawam etpekte.
Media-tur dawamında ǵalaba xabar qurallarınıń wákilleri hám blogerler qurılıs procesleri, orınlanıp atırǵan jumıslardıń sapası hám keleshektegi rejeler haqqında tolıq maǵlıwmatlarǵa iye boldı. Bunday ilajlar jámiyetshilikti aymaqta ámelge asırılıp atırǵan dóretiwshilik jumısları menen qalıs hám operativ tanıstırıw, sonday-aq, málimlemeniń ashıq-aydınlıǵın támiyinlewge xızmet etedi.