Shomanayda investiciyalıq joybarlardıń orınlanıwı boyınsha úyreniw jumısları alıp barılmaqta
2026-06-13 17:10:00 / Министрлик
Shomanay rayonı hákiminiń orınbasarları A.Bekbergenov hám A.Qalniyazov, Ózbekstan mámleketlik emes kommerciyalıq emes shólkemlerin qollap-quwatlaw jámiyetlik fondı Basqarma baslıǵı S.Ismailov hám Xalıq deputatları Shomanay rayonlıq Keńesiniń deputatı A.Qutlımuratov penen birgelikte aymaqta ámelge asırılıp atırǵan investiciyalıq joybarlardıń qurılıs processleri menen tanıstı.
Atap aytqanda, "Qarabaylı" mákan puqaralar jıyını aymaǵında qurılıp atırǵan duzdı qayta islew joybarı hám "Begjap" awıl puqaralar jıyını aymaǵında qurılıp atırǵan teri (charm) ónimlerin islep shıǵarıw joybarı boyınsha alıp barıpılıp atırǵan qurılıs jumısları úyrenildi.
Bul joybarlardıń ámelge asırılıwı aymaqtıń sanaat potencialın bunnan bılay da arttırıw, jańa jumıs orınların jaratıw, jergilikli shiyki zattı nátiyjeli qayta islew hám xalıqtıń bántligin támiyinlewge xızmet etetuǵını atap ótildi. Sonday-aq, investiciyalıq joybarlardı ámelge asırıw arqalı aymaqtıń ekonomikalıq rawajlanıwına múnásip úles qosılatuǵını atap ótildi.