Huqıqbuzarlıqlardıń aldın alıw boyınsha profilaktikalıq ilaj ótkerildi
2026-05-30 17:50:00 / Министрлик
Shomanay rayonında hayal-qızlar hám jas óspirimler arasında jınayatshılıq hám huqıqbuzarlıqlardıń aldın alıw maqsetinde profilaktikalıq ilaj shólkemlestirildi. Onda Qaraqalpaqstan Respublikası Ishki isler ministrligi Huqıqbuzarlıqlar profilaktikası basqarması baslıǵınıń orınbasarı, podpolkovnik X.Reymkulova, rayonlıq Ishki isler bólimi baslıǵınıń orınbasarı A.Turımbetov, aǵa leytenant G.Bekmanova hám rayonlıq Mektepke shekemgi hám mektep bilimlendiriw bóliminiń tiyisli juwapkerleri tárepinen túsindiriw jumısları alıp barıldı.
Ilaj dawamında oqıwshılardıń jazǵı dem alıs dáwirinde qáwipsizligin támiyinlew, olardıń bos waqtın mazmunlı shólkemlestiriw hám huqıqbuzarlıqlardıń aldın alıw boyınsha usınıslar berildi. Sonday-aq, ayrıqsha kategoriyadaǵı jaslar menen profilaktikalıq jumıslardı ele de kúsheytiw boyınsha túsinik jumısları alıp barıldı.
Bul sıyaqlı profilaktikalıq ilajlardıń tiykarǵı maqseti — hayal-qızlar hám jas óspirimler arasında huqıqbuzarlıqlardıń aldın alıw, olardı qáwipsiz hám salamat turmıs tárizine baǵdarlawdan ibarat.