Shomanayda ishki jollardı jaqsılaw jumısları dawam etpekte
2026-05-17 15:40:00 / Министрлик
Shomanayda ishki jollardı jaqsılaw jumısları dawam etpekte
Ózbekstan Respublikası Ministrler Kabinetiniń 2024-jıl 11-oktyabrdegi 665-sanlı qararı tiykarında Shomanay rayonında ishki jollar infrastrukturasın jaqsılaw jumısları jedellik penen alıp barılmaqta. Xalıq deputatları Shomanay rayonlıq Keńesiniń Baslıǵı, 9-Mádeniyat saylaw okruginen deputat Q.Seytjanov hám rayonlıq Keńes sekretariatınıń baslıǵı, 20-Aq jap saylaw okruginen deputat A.Qutlımuratov tárepinen "Aqjap" awıl puqaralar jıyınınıń "Aqqashı" elatındaǵı "Tań juldızı" hám "Íǵbal" kóshelerinde ámelge asırılıp atırǵan ishki jollardı ońlaw hámde qum-sheben aralaspasın tósew jumısları kózden ótkerildi.
Bul jumıslar rayonlıq "Abadanlastırıw" basqarması xızmetkerleri tárepinen alıp barılmaqta. Aymaq jańa joybarlar tiykarında zamanagóy kóriniste qayta qurılıp, jańa kósheler tartılıp atırǵanı bolsa xalıq ushın jáne de qolaylı hám múnásip infrastruktura jaratıwǵa xızmet etpekte.