Máhállelerde bántlikti támiyinlew - xalıqtıń abadanlıǵına xızmet etpekte
2026-05-12 17:25:00 / Министрлик
Shomanay rayonı hákimligi Málimleme xızmeti hám rayonlıq Kámbaǵallıqtı qısqartıw hám bántlikke kómeklesiw bólimi menen birgelikte rayonda hákim járdemshileri tárepinen jumıssız puqaralardıń bántligin támiyinlew baǵdarında ámelge asırılıp atırǵan jumıslar boyınsha press-tur shólkemlestirildi. Onda tiykarınan máhállelerde jeńilletilgen kredit hám subsidiyalardan nátiyjeli paydalanıp, óz isbilermenligin jolǵa qoyǵan puqaralardıń jumısı menen jaqınnan tanısıldı.
Sonday-aq, qıytaq jerlerden únemli paydalanıp, shańaraǵınıń dáramatın arttırıp atırǵan, inkubator arqalı shóje jetistiriw hám pilleshilik penen shuǵıllanıp, máwsimlik bántlikke erisip atırǵan puqaralardıń jumısı úyrenildi. Press-tur juwmaǵında ǵalaba xabar quralları wákilleri tárepinen ámelge asırılıp atırǵan jumıslar boyınsha pikir-usınıslar bildirilip, bunday ámeliy baslamalar xalıqtıń bántligin támiyinlew, shańaraqlardıń abadanlıǵın arttırıw hám máhállelerde isbilermenlik ortalıǵın jaqsılawda úlken áhmiyetke iye bolıp atırǵanı ayrıqsha atap ótildi.