Shomanay rayonında sport tarawında korrupciyaǵa qarsı gúresiw máseleleri dodalandı
2026-04-22 14:30:00 / Министрлик
Búgin, Shomanay rayonı Mektepke shekemgi hám mektep bilimlendiriwi bólimine qaraslı 7-sanlı ulıwma bilim beriw mektebi imaratında sport tarawında korrupciyaǵa qarsı gúresiw máselelerine baǵıshlanǵan májilis bolıp ótti. Onda rayonlıq Sport mektebiniń direktorı R.Reymov, Qaraqalpaqstan Respublikası Sport ministrliginiń bas yuriskonsulti E.Tureev, Shomanay rayonı prokuraturası prokurorınıń járdemshisi E.Oralbaev, Shomanay rayonı Ádillik bóliminiń bas másláhátshisi I.Satbaev hám taraw xızmetkerleri qatnastı.
Májilis dawamında sport sistemasında ashıq-aydınlıqtı támiyinlew, korrupciyalıq jaǵdaylardıń aldın alıw, nızamshılıq talaplarına qatań ámel etiw máseleleri boyınsha hár tárepleme pikir alısıldı. Juwapkerler tárepinen korrupciyaǵa qarsı gúresiw boyınsha alıp barılıp atırǵan jumıslar tallanıp, bar mashqalalardı saplastırıw hám keleshekte bunday jaǵdaylardıń aldın alıw boyınsha zárúr usınıslar berildi.