Jarıs jeńimpazları saltanatlı túrde sıylıqlandı
2026-03-29 15:30:00 / Министрлик
"Jańa Ózbekstan - Olimpiada shıńları" hám "Prezident olimpiadası" sport jarısları sheńberinde sporttıń erkin gúres túri boyınsha 1-basqısh - Shomanay rayonı hákimi Olimpiadası joqarı dárejede shólkemlestirilip, kóterińki ruwxta ótkerildi. Jarısta jas sportshılar óz sheberligin, fizikalıq tayarlıǵın hám jeńiske bolǵan umtılısın kórsete aldı.
Jarıs juwmaǵında jeńimpaz hám sıylı orın iyelerin sıylıqlaw máresimi ótkerildi. Onda rayon hákiminiń orınbasarı A.Bekmuratov shıǵıp sóylep, sporttıń salamat turmıs girewi, kúsh-ǵayrat hám jeńiske alıp baratuǵın eń durıs jol ekenligin atap ótti. Jarıs dawamında joqarı nátiyjelerdi kórsetken jeńimpaz sportshılar húrmet jarlıqları hám medallar menen sıylıqlandı.
Bul jarıs jaslar arasında salamat turmıs tárizin úgit-násiyatlaw, sportqa bolǵan qızıǵıwshılıqtı jáne de arttırıw hám bolajaq chempionlardı tayarlawda úlken áhmiyetke iye boldı.