Shomanayda voleybol jarısları ótkerildi
2026-03-30 16:00:00 / Министрлик
"Jańa Ózbekstan Olimpiada shıńları" hám "Prezident olimpiadası" sport jarısları sheńberinde Shomanay rayonında sporttıń voleybol túri boyınsha 1-basqısh - rayon hákimi Olimpiadası joqarı dárejede shólkemlestirildi.
Jarıslar dawamında komandalar arasında keskin hám mawasasız bellesiwler bolıp, oyınlar tamashagóylerge kóterińki keypiyat baǵıshladı. Hár bir komanda jeńis ushın bar kúsh hám sheberligin jumsap, sportqa bolǵan qızıǵıwshılıǵın jáne bir márte kórsetti.
Jarıs juwmaǵında jeńimpaz hám sıylı orın iyeleri anıqlanıp, sıylıqlaw máresimi saltanatlı túrde ótkerildi. Onda Shomanay rayonı hákiminiń orınbasarı A.Bekmuratov shıǵıp sóylep, jarıs qatnasıwshıların qızǵın qutlıqladı hám sporttı rawajlandırıw jolında bunday bellesiwlerdiń áhmiyeti joqarı ekenin atap ótti. Bunnan soń, jeńimpaz sportshılar diplom hám medallar menen sıylıqlanıp, olardıń keleshektegi jarıslarda da joqarı nátiyjelerge erisiwinde olarǵa úlken isenim bildirildi.