Máhálle sisteması xızmetkerleri kúni múnásibeti menen taraw qánigeleri sıylıqlandı
2026-03-22 12:00:00 / Министрлик
Shomanay rayonı hákimliginiń májilisler zalında rayon hákiminiń orınbasarı A.Bekmuratov basshılıǵında "22-mart - Máhálle sisteması xızmetkerleri kúni" múnásibeti menen taraw qánigeleri sıylıqlandı. Ilajda máhálle sisteması xızmetkerleriniń jámiyetlik turmıstaǵı áhmiyetli ornı, aymaqlardıń sociallıq-ekonomikalıq rawajlanıwına qosıp atırǵan múnásip úlesi ayrıqsha atap ótildi.
Sonday-aq, shıǵıp sóylewshiler tárepinen máhállelerde shańaraqlardıń tınıshlıǵın támiyinlew, xalıqtıń abadanlıǵın arttırıw, jaslardı watansúyiwshilik ruwxında tárbiyalaw hám olarǵa milliy qádiriyatlarımızdı sińdiriw baǵdarında ámelge asırılıp atırǵan jumıslar keńnen sáwlelendirip berildi. Ilaj sońında bir topar pidayı xızmetkerlerge húrmet jarlıqları hám estelik sawǵaları tapsırıldı.