"Salıq bilimleri - jas áwladqa" tańlawınıń Qaraqalpaqstan Respublikası basqıshı joqarı dárejede shólkemlestirildi
2026-03-18 10:00:00 / Министрлик
Nókis qalasında ótkerilgen "Salıq bilimleri - jas áwladqa" tańlawınıń Qaraqalpaqstan Respublikası basqıshı joqarı dárejede shólkemlestirildi. Bul tańlawda Shomanay rayonınıń oqıwshı jasları da belsene qatnasıp, óz bilim hám qábiletlerin kórsete aldı.
Oqıwshılar súwretlew, dóretiwshilik shıǵarmalar hám videorolikler arqalı salıqtıń jámiyet rawajlanıwındaǵı sheksiz ornı, mámleketlik byudjettiń qáliplesiw procesi hám puqaranıń juwapkershiligi haqqındaǵı óz kózqarasların mazmunlı hám tásirsheń túrde bildirdi.
Quwanıshlı tárepi, bul tańlawda rayonımızdıń jaslar da joqarı nátiyjelerge eristi. Atap aytqanda, 21-sanlı mekteptiń 9-klass oqıwshısı Juzbaeva Alvina "Eń jaqsı shıǵarma" baǵdarında sıylı 2-orındı, 7-klass oqıwshısı Tólepova Durdana bolsa "Eń jaqsı súwret" baǵdarında sıylı 3-orındı iyeledi.
Jeńimpaz jaslardı bul jetiskenlikleri menen qızǵın qutlıqlaymız hám aldaǵı waqıtta olarǵa úlken tabıslar tileymiz!