Bir qádemde - mıń bir imkaniyat
2026-03-10 15:05:00 / Министрлик
Shomanay rayonı "Mamıy" awıl puqaralar jıyını aymaǵında aymaǵında jaylasqan mektepke shekemgi hám mektep bilimlendiriw bólimine qaraslı 5-sanlı ulıwma orta bilim beriw mektebi imaratında isbilermenlik hám ónermentshilikti keń en jaydırıw maqsetinde "Bir qádemde - mıń bir imkaniyat" atamasındaǵı ushırasıw shólkemlestirildi.
Oǵan, rayon hákiminiń orınbasarı, Shańaraq hám hayal-qızlar bóliminiń baslıǵı T.Qallıqılıchova, rayondaǵı ónerment hayal-qızlardıń biri Sh.Yusupbaeva hám mektep oqıwshıları qatnastı. Ushırasıw dawamında jaslar menen qızǵın sáwbet ótkerilip, olardı isbilermenlikke qızıqtırıw, keleshekte erkin jumıs alıp barıwǵa iytermelew máselelerine ayrıqsha itibar qaratıldı. Ushırasıw dawamında isbilermenlik jumısı hám onıń sırları haqqında sóz etilip, oqıwshı jaslar tárepinen berilgen sorawlarǵa qánigeler tárepinen tolıq hám túsinikli juwaplar berildi.
Bul ushırasıw jaslardıń bilim hám kónlikpelerin arttırıw, olardı isbilermenlikke baǵdarlaw hám keleshekte óz imkaniyatların keńeytiw ushın ayrıqsha áhmiyetke iye boldı.