Xorezm wálayatı hám Shomanay rayonı xalıqları ortasındaǵı doslıq múnásibetleri
2026-03-08 10:00:00 / Министрлик
2026-jıl 6-mart kúni Ramazan ayı múnásibeti menen Xorezm wálayatı qáwenderliginde sayaxat shólkemlestirildi. Onda rayonımızdan 250 puqara qatnasıp, wálayattaǵı isbilermenlik subyektleri, mádeniy estelikler hám tariyxıy orınlar menen jaqınnan tanıstı. Sonday-aq, olar awıl xojalıǵı tarawındaǵı aldınǵı tájiriybeler menen de ortaqlastı.
Kúnniń keshki payıtında bolsa Úrgenish qalasınıń orayında jaylasqan "Boǵi Eram" restoranında "Ramazan -mehir múriwbet, awızbirshilik hám shúkirshilik ayı" súreni astında iftarlıq dasturxanı shólkemlestirildi. Sózge shıqqanlar múbárek Ramazan ayı menen jıynalǵanlardı qutlıqlap, bul baslama Xorezm wálayatı hám Shomanay rayonı xalıqları arasındaǵı doslıq hám awızbirshilik qatnasıqlarınıń ámeliy kórinisi ekenligin atap ótti. Ilaj dawamında Xorezm wálayatı hákimligi tárepinen sayaxat qatnasıwshılarına estelik sawǵaları tapsırılıp, olarǵa húrmet kórsetildi.
Bunday baslamalar, álbette, aymaqlar arasındaǵı doslıq hám awızbirshilikti jáne de bekkemlep, puqaralardıń qálbinde elimizge bolǵan mehir hám maqtanısh sezimlerin jáne de arttırıwǵa xızmet etedi.