Ashıq sáwbet: jaslar, bilimlendiriw hám innovaciya
2026-02-26 15:10:00 / Министрлик
Búgin, Shomanay rayonı 1-sanlı mektebinde Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedovanıń basshılıǵında hápteniń piyshembi - "Jaslar kúni" sheńberinde ashıq sáwbetlesiw shólkemlestirildi.
Oǵan, Shomanay rayonı hákiminiń orınbasarı, Shańaraq hám hayal-qızlar bóliminiń baslıǵı T.Qallıqılıchova, rayonlıq Mektepke shekemgi hám mektep bilimlendiriw bóliminiń baslıǵı N.Qurbaniyazov, bilimlendiriw mákemeleriniń basshıları hám joqarı klass oqıwshıları qatnastı.
Ushırasıw dawamında bilimlendiriwdiń sapası, innovaciyalıq ideya hám startap joybarlardı qollap-quwatlaw, qosımsha grant hám jeńillikler ajıratıw boyınsha ózleriniń usınıs hám baslamaların bildirdi. Bul ushırasıwdan gózlengen tiykarǵı maqset - jaslar menen ashıq pikirlesiwdi kúsheytiw, olardıń pikir hám baslamaların tıńlaw, intellektuallıq potencialı jáne innovaciyalıq ideyaların qollap-quwatlaw arqalı keleshek rawajlanıwına xızmet etetuǵın áhmiyetli baslamalardı xoshametlewden ibarat.