Qaraqalpaqstan Respublikası Shomanay rayonı hákimligi

Korrupciya hár qanday jámiyettiń rawajlanıwı hám turaqlılıǵına úlken qáwip tuwdıratuǵın illet bolıp esaplanadı. Ol mámleketlik basqarıw, ekonomika, bilimlendiriw hám densawlıqtı saqlaw sıyaqlı áhmiyetli tarawlarda ádillik principlerin buzıp, isenim ortalıǵın jemiredi. Korrupciyanıń eń úlken zıyanı - ekonomikalıq rawajlanıwǵa tosqınlıq etiwi menen baylanıslı. Qarjılar óz mánziline jetip barmaydı, investiciyalıq ortalıq jamanlasadı, báseki principleri buzıladı. Nátiyjede jańa jumıs orınlarınıń jaratılıwı tómenlep, xalıqtıń abadanlıǵına unamsız tásir etedi.

Sonday-aq, korrupciya sociallıq ádalatsızlıqtı kúsheytedi. Hadal miynet hám bilim emes, al tanıs-bilislik hám para ústin bolıp qaladı. Bul bolsa jaslardıń keleshekke bolǵan isenimin tómenletip, jámiyette biypárwalıq hám itibarsızlıq keypiyatın kúsheytedi.
Korrupciya mámleketlik xızmetler sapasınıń tómenlewine de alıp keledi. Bilimlendiriw, medicina hám basqa da tarawlarda xızmetlerdiń sapası tómenlep, xalıqtıń tiykarǵı talapları tolıq qanaatlandırılmaydı. Bul jaǵday puqaralardıń turmıs sapası hám sociallıq turaqlılıqqa tikkeley tásir etedi.

Korrupciyaǵa qarsı gúresiw - jámiyettiń hár bir aǵzası ushın áhmiyetli wazıypa. Nızamlarǵa ámel etiw, hadallıq hám juwapkershilik principlerin turmısqa engiziw arqalı bul illetke qarsı birgelikte gúresiw múmkin. Tek ǵana sonda ádil, ashıq hám rawajlanǵan jámiyetti qurıw múmkin boladı.