Zamanagóy bilimlendiriw hám ata-ana juwapkershiligi: perzent keleshegin birgelikte quramız
2025-12-03 09:00:00 / Министрлик
2025-jıl 2-dekabr kúni Shomanay rayonı mektepke shekemgi hám mektep bilimlendiriw bólimine qaraslı 1-sanlı ulıwma orta bilim beriw mektebi imaratında usı mekteptiń joqarı klass oqıwshılarınıń ata-anaları qatnasında ushırasıw ótkerildi.
Oǵan, Shomanay rayonı hákiminiń orınbasarı A.Bekmuratov, rayonlıq Ishki isler bólimi baslıǵınıń orınbasarı A.Turımbetov, mektep direktorı Z.Allaniyazova, psixologlar hám tiyisli taraw qánigeleri qatnastı.
Ushırasıw dawamında joqarı klass oqıwshılarınıń bilimlendiriw sapası, jaslar menen islesiwde nátiyjeli kózqaraslar, qáwipsizlik máseleleri, sabaq processleriniń barısı hám ata-analar menen birge islesiwdi kúsheytiw boyınsha pikirler bildirildi.
Onda, bárinen burın, "Mektep, máhálle, shańaraq" birgelikte islesiw koncepciyası sheńberinde ata-analardıń juwapkershiligi, oqıwshılardıń tártip-intizamı, mekteptiń ishki tártip qaǵıydaları, mektep formalarına ámel etiw, sabaqlarǵa óz waqtında keshikpey keliw máseleleri boyınsha tolıq túsinikler berildi. Ushırasıw juwmaǵında ata-ana, oqıwshı hám mektep birge islesiwin kúsheytiw, perzentler ushın jáne de qolaylı hám sapalı bilimlendiriw ortalıǵın jaratıwǵa qaratılǵan qosımsha wazıypalar belgilep alındı.