Shomanay rayonında ǵalaba xabar quralları wákilleri qatnasında media-tur ótkerildi
2025-11-13 20:00:00 / Министрлик
Búgin, Shomanay rayonı Shańaraq hám hayal-qızlar bólimi hám rayon hákimliginiń Málimleme xızmeti menen birgelikte rejege tiykar, "Óz-ózin jumıs penen bánt etken, isbilermenligin jolǵa qoyǵan hayal-qızlardıń iskerligi menen jaqınnan tanısıw maqsetinde media-tur ótkerildi.
Oǵan, rayon hákimi A.Ametov, rayonlıq Shańaraq hám hayal-qızlar bólimi baslıǵı T.Qallıqılıchova hám ǵalaba xabar quralları wákilleri qatnastı. Dáslep, jurnalistler "Begjap" awıl puqaralar jıyını aymaǵında jaylasqan
"Shomanay Meridian" (juwapkershiligi sheklengen jámiyeti) ıssıqxanasındaǵı hayal-qızlardıń jumıs iskerligi menen tanısıldı. Bul jerde 1gektar jer maydanına 70 mıń qulpınay miywe náli egilip, házirde miyweler pisip jetilispekte. Sonday-aq, 12 hayal-qızdıń bántligi támiyinlenip, jumıs qızǵın dawam etpekte. Media-tur qatnasıwshıları hayal-qızlardıń jumıs iskerligi menen jaqınnan tanıstı.
Keyingi mánzil - "Mádeniyat" mákan puqaralar jıyını aymaǵında jasawshı jeke isbilermen Shermanova Marziyanıń tigiwshilik cexi.
Isbilermen hayal-qızlarǵa jaratılǵan imkaniyatlardan únemli paydalanıp, 100 mln som muǵdarında jeńilletilgen kredit alıp, óz jumısların jolǵa qoyǵan. Házirde úyinde bos otırǵan 2 qızdı jumıs penen bánt etip, tigiwshilik kásibiniń arqasında xalıqqa xızmet kórsetip kelmekte.