Qaraqalpaqstan Respublikası Shımbay rayonı hákimligi

Búginde Shımbay rayonı hákimi A.Tajetdinovtıń, xalıqtıń jasaw hám turmıs sharayatların úyreniw, bar mashqalalardı saplastırıw maqsetinde jeke qabıllawı shólkemlestirildi

Búgingi kúnde Shımbay rayonında puqaralardıń mashqalaların sheshiw, olardıń búgingi turmısınan kewilli jasawın támiyinlew jolında kólemli jumıslar ámelge asırılmaqta.
Máselen puqaralardıń múrájatların tıńlaw, olardı qıynap kiyatırǵan mashqalalardı úyreniw hám onı sol orında saplastırıw ilájların kóriw sonıń menen birge qabıllawlar ótkeriw arqalı xalıqtıń arasına kirip barıw rayon hákiminiń baslı rejeleriniń biri. 
Búginde Shımbay rayonı hákimi A.Tajetdinovtıń, xalıqtıń jasaw hám turmıs sharayatların úyreniw, bar mashqalalardı saplastırıw maqsetinde jeke qabıllawı shólkemlestirildi.
Qabıllaw dawamında bántlik, medicinalıq emlew, sociallıq járdem, isbilermenlik hám basqa da áhmiyetli máseleler boyınsha múrájatları tıńlandı. 
Mashqalalardıń kópshilik bólegi sol orında sheshilgen bolsa, ayırım máseleler boyınsha tiyisli shólkemlerge kórsetpeler berildi.
Qosımsha úyreniw hám waqıt talap etetuǵın múrájatlardıń orınlanıwı qadaǵalawǵa alındı.
Bunday qabıllawlar xalıq hám mámleket arasındaǵı ashıq pikirlesiw maydanına aylanıp, mashqalalardı ornında sheshiw hám isenimdi bekkemlewge xızmet etpekte.