Qońırat rayonı toqsanbaslı eginlerinde agrotexnikalıq jumıslar alıp barılıwı úyrenildi
2025-10-08 10:30:00 / Министрлик
Qaraqalpaqstan Respublikası Qońırat rayonında 2026-jıl zúrááti ushın fermer, diyqan hám awıl xojalıǵı kárxanaları tárepinen 2025-jıldıń avgust-sentyabr aylarında jámi 25 gektar maydanǵa piyaz hám chesnok eginlerin egiw belgilengen. Sonnan 8 gektarına piyaz, 17 gektarına bolsa chesnok egildi.
Búgingi kúnge kelip Qońırat rayonında rejelestirilgen 25 gektar (100 procent) maydanǵa usı eginler egilip, agrotexnikalıq jumıslar alıp barılmaqta. Atap aytqanda, usı jıldıń 7-oktyabr kúni Ózbekstan fermerleri keńesi bólim baslıǵı M.Muxammadiev hám Qaraqalpaqstan fermerleri keńesi baslıǵınıń orınbasarı F.Bekanov penen birgelikte "Ádebiyat" APJ aymaǵında jaylasqan "Aziz Barmen" JShJǵa qaraslı baǵ qatar aralarına egilgen piyaz hám chesnok maydanları kózden ótkerildi hám agrotexnikalıq ilajlardıń orınlanıwı úyrenildi.
Sonday-aq, rayonlıq fermerler keńesiniń baslıǵı hám Buxgalteriya orayınıń agronomı tárepinen xalıqtı sapalı hám arzan azıq-awqat ónimleri menen támiyinlew, sonday-aq, eksportqa qolaylı eginlerdi egiw boyınsha fermer hám awıl xojalıǵı kárxanalarına keń kólemli túsindiriw jumısları alıp barılmaqta.