“30-iyul – Xalıqlar doslıǵı kúni” múnásibeti menen “Doslıq festivalı” bolıp ótti
2025-07-26 10:00:00 / Министрлик
Qońırat rayonı "Qaratal" MPJ aymaǵında jaylasqan 41-sanlı mektepte “30-iyul – Xalıqlar doslıǵı kúni” múnásibeti menen “Doslıq festivalı” bolıp kóterińki ruwxta ótkerildi.
Qońırat rayonı hákiminiń orınbasarı J.Ametova shıǵıp sóylep, milletler aralıq doslıq hám tatıwlıqtı bunnan bılay da bekkemlew, jas áwladtı milliy qádiriyatlar ruwxında tárbiyalaw baǵdarında sóz etti.
Bunnan soń Respublika Ruwxıylıq hám aǵartıwshılıq orayı Qońırat rayonlıq bólimi baslıǵı U.Tileumuratova shıǵıp sóylep, búgingi kúnde elimizde húrmetli Prezidentimizdiń basshılıǵında milletler aralıq doslıqtı hám tatıwlıqtı bekkemlew, xalıqlar arasında óz-ara awızbirshilik, keńpeyillik hám miyrim-shápáát ortalıǵın ele de kúsheytiw, olardıń milliy mádeniyatın, úrp-ádet hám dástúrlerin qəsterlep saqlaw hám rawajlandırıwǵa ayrıqsha itibar qaratılıp atırǵanlıǵın atap ótti.
Aytıp ótiw kerek, sońǵı jılları elimizde “Xalıqlar doslıǵı kúni” bayramı hám “Doslıq festivalı” kóterińki ruwxta ótkerilip kelmekte. Hár jılı húrmetli Prezidentimiz tərepinen kóp milletli xalqımızǵa ayrıqsha húrmet kórsetilip, milliy-mádeniy oraylardı hár tárepleme qollap-quwatlawǵa itibar qaratılıp atır.
Bayram ilajı kórkem óner sheberleri atqarıwındaǵı koncert baǵdarlaması menen dawam etti.