Rayondaǵı muwapıqlastırıwshı keńes májilisinde huqıqıy máseleler dodalandı
2025-07-25 15:00:00 / Министрлик
2025-jıl 24-iyul kúni Qońırat rayonı hákimliginiń májilisler zalında rayonnıń huqıq qorǵaw uyımları muwapıqlastırıwshı keńesiniń májilisi bolıp ótti. Onda rayon hákimi B.Madaminov, rayon prokurorı J.Reyimov hámde mákeme, kárxana basshıları hám máhálle jetiligi aǵzaları qatnastı.
Májiliste nızamshılıqtı bekkemlew, puqaralardıń huqıqları menen erkinliklerin qorǵaw, jınayatshılıq hám huqıqbuzarlıqlardıń aldın alıw baǵdarında 2025-jıl yanvar-iyun ayları dawamında ámelge asırılǵan prokurorlıq qadaǵalaw jumıslarınıń juwmaqların dodalaw hám keleshektegi wazıypalardı belgilew, rayonlıq huqıq qorǵaw uyımları muwapıqlastırıwshı keńesiniń 2025-jıldıń ekinshi yarımına belgilengen jumıs rejesin tastıyıqlaw boyınsha esabatı tıńlandı.
2025-jıldıń altı ayı dawamında jol qoyılǵan qáte-kemshilikler qatań sınǵa alındı hám saplastırıw boyınsha tiyisli taraw wákillerine kórsetpeler berildi.