"Áhmiyetli 90 kún" sheńberinde 43-sanlı mektep hám "Jińishke" máhállesi jasları ushın ruwxıy-aǵartıwshılıq sayaxat shólkemlestirildi
2025-07-25 10:00:00 / Министрлик
"Áhmiyetli 90 kún" sheńberinde 43-sanlı mektep hám "Jińishke" máhállesi jasları ushın ruwxıy-aǵartıwshılıq sayaxat shólkemlestirildi
Jaslardıń bos waqtın mazmunlı shólkemlestiriw, olardı sport, ilim-pán hám kásip-ónerge qızıqtırıw maqsetinde "Áhmiyetli 90 kún" joybarı sheńberinde gezektegi ilaj bolıp ótti. "Jinishke" máhállesi jasları ushın rayonımızdaǵı Ruwxıy-aǵartıwshılıq sarayı hám Málimleme-resurs orayına sayaxat shólkemlestirildi.
Bul sapar dawamında jaslar kitapqumarlıq mádeniyatı, milliy qádiriyatlar, tariyxıy miyras hám zamanagóy málimleme dárekleriniń áhmiyeti haqqında keńirek maǵlıwmatlarǵa iye boldı. Sonday-aq, olar ushın ruwxıy-aǵartıwshılıq sáwbetleri, soraw-juwaplar da shólkemlestirildi.
Ilaj jaslarda unamlı tásir qaldırıp, olardıń bilim alıwǵa bolǵan qızıǵıwshılıǵın arttırıwda áhmiyetli faktor boldı.