Belsendi hayal-qızlarǵa "Itibar-2025" sıylıǵı tapsırıldı
2025-12-24 12:20:00 / Министрлик
Nókis qalasındaǵı Qaraqalpaq mámleketlik jas tamashagóyler teatrında "Itibar-2025" sıylıǵın tapsırıw ilajı bolıp ótti. Ilajda elimizdiń sociallıq-ekonomikalıq hám siyasiy turmısında belsene qatnasıp, xalqımızdıń abadan turmısın támiyinlew jolında nátiyjeli miynet etip atırǵan hayal-qızlardıń xızmetleri atap ótildi.
Ilajda Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov shıǵıp sóylep, barlıq sıylıq iyelerin qutlıqladı hám aldaǵı jumıslarında tabıslar tiledi.
Ilajda Qońırat rayonı hákiminiń orınbasarı - Shańaraq hám hayal-qızlar bólimi baslıǵı Jamila Ametova "Ibratlı hayal" kókirek belgisi menen sıylıqlandı.
Jamila Ametovanı qızǵın qutlıqlaymız hám aldaǵı jumıslarında tabıslar tileymiz.
Qońırat rayonı hákimligi málimleme xızmeti