"Hayal-qızlar dápteri"ndegi hayallar Bostanlıq rayonına sayaxatqa jiberildi
2025-12-16 17:05:00 / Министрлик
Qońırat rayonındaǵı "Hayal-qızlar dápteri"ne kirgizilgen, sociallıq járdemge mútáj 10 hayal-qız ushın Tashkent wálayatınıń Bostanlıq rayonında jaylasqan gózzal hám payızlı orınlarǵa ruwxıy-aǵartıwshılıq sayaxat shólkemlestirildi.
Bul baslama Qońırat rayonı hákimligi tárepinen ishki turizmdi rawajlandırıw, hayal-qızlardıń bos waqtın mazmunlı ótkeriw hám olardıń sociallıq belsendiligin arttırıw maqsetinde ámelge asırıldı.
Házirgi waqıtta sayaxat dawam etpekte. Onda qatnasıwshılar ushın psixologiyalıq hám motivaciyalıq treningler ótkerilip, hayal-qızlardıń ruwxıy jaǵdayın bekkemlew, olarǵa unamlı keypiyat hám isenim baǵıshlawǵa ayrıqsha itibar qaratılmaqta.
Bul ilaj hayal-qızlardıń sociallıq belsendiligin arttırıw, olardı qollap-quwatlaw hám turmısqa bolǵan múnásibetin jáne de unamlı tárepke ózgertiwde úlken áhmiyetke iye bolmaqta.
Qońırat rayonı hákimligi málimleme xizmeti