"Basshı hám balalar" ushırasıwı bolıp ótti
2025-12-04 11:00:00 / Министрлик
Qońırat rayonı "Mádeniyat sarayında" "Basshı hám balalar" ushırasıwı ótkerildi. Onda rayon hákiminiń orınbasarı J.Ametova, rayonlıq Mektepke shekemgi hám mektep bilimlendiriwi bóliminiń baslıǵı F.Ergulanova hám de bilimlendiriw orınlarında bilim alıp atırǵan jetiskenlikke erisken balalar qatnasıp, olardıń pikir hám usınısları ashıq-aydın tıńlandı.
Ushırasıwda oqıwshı jaslar tárepinen máhállelerde robototexnika dógereklerin shólkemlestiriw, mektepke shekemgi bilimlendiriw orınlarında interaktiv tárizde shet tillerin úyretiw, injenerlik hám kosmonavtika tarawında sheberlik sabaqların ámelge asırıw, bookcafe obyektlerin shólkemlestiriw, shaxmat klubları sanın arttırıw, orta klass oqıwshıları arasında rayonlıq pán olimpiadaların shólkemlestiriw hámde intellektuallıq bilimlerdi ele de rawajlandırıw sıyaqlı usınıslar bildirildi.
Ashıq sáwbette balalar tárepinen bildirilgen pikir hám usınıslardıń orınlanıwı boyınsha tiyisli ilajlar belgilep alındı.
Qońırat rayonı hákimligi málimleme xizmeti