"Kiet" APJda jańa sport maydanshası paydalanıwǵa tapsırıldı
2025-12-04 09:30:00 / Министрлик
Baslamalı byudjet baǵdarlamasınıń 2025-jıl 1-máwsiminde "Kiet" APJda jaylasqan 18-sanlı ulıwma orta bilim beriw mektebi aymaǵında zamanagóy universal sport maydanshasın qurıw boyınsha usınıs alǵa súrilgen edi. Máhálle xalqı bul baslamanı belsene qollap-quwatlap, 1961 dawıs penen máwsim jeńimpazlarınan biri dep tabıldı.
Búgin bolsa bul usınıs ámeliy nátiyjege aylandı - barlıq qolaylıqlarǵa iye bolǵan sport maydanshası paydalanıwǵa tapsırıldı. Endi bul aymaq jasları futbol, voleybol, basketbol sıyaqlı hár qıylı sport túrleri menen shuǵıllanıwı, bos waqtın mazmunlı ótkeriwi hám salamat turmıs tárizin jolǵa qoyıwı ushın qolaylı sharayatlar jaratıldı.
Máhállede ámelge asırılǵan bul joybar jaslardıń bántligin támiyinlew, olardı sportqa keńnen tartıw hám salamat áwladtı tárbiyalawǵa xızmet etedi.
Xalıq tárepinen bildirilgen isenim hám belsendi puqaralıq poziciyası bul nátiyjege erisiwde áhmiyetli orın iyeledi.
Qońırat rayonı hákimligi málimleme xizmeti