Sizge turaqlı jumıs ornı usı jerde
2025-07-05 13:00:00 / Министрлик
Qanlıkól rayonı hákimligi tárepinen házirgi kúnde kópshiliktiń tiykarǵı múrájatına aylanǵan jumıssızlıq, jaslardı qánigeligi boyınsha jumısqa jaylastırıw, sonday-aq, jaslardı qáwenderlikke alıp jumıs penen támiynlew boyınsha maqsetili ilajlar ámelge asırılıwına qaramastan bántlik máselesinde puqaralarda mashqalalar ele kópshilikti quraydı.
Rayondaǵı“LAN-C” JShJ (boyan tamır) qospa kárxanası imkaniyatları keńeymekte. Usını esapqa alıp rayon máhálle belsendileri menen dirgelikte aymaqlardaǵı jumıssız jaslar ushın kárxanada ushırasıw hám jumıs penen tanıstırıw ilajları ótkerildi.
Ilajda rayon hákimligi wákilleri sharayatlar menen tanıstırıp jumıs qolaylıqları haqqında maǵılıwmatlar berdi.
“LAN-C” JShJ (boyan tamır) qospa kárxanası boyan tamırın shabıw jumısına 100 jumısshı alatuǵının xabarladı.
Hár bir kg shabılǵan tamırǵa 700 swmnan,
Is haqı 100% plastik,
10km den - 20 km aralıqtan jumısqa qatnawshılarǵa kelgen kúnine 10 000 swm jol haqısı,
20 km den uzaǵıraq aralıqtan qatnaytuǵınlarǵa 15 000 swm jol haqı kelgen kúnine tólenetuǵını tanıstırıldı.
Kárxanada bunnan basqada xoshametlewlar, jumıs ornı islep atırǵan jumısshılar háreketleri menen jaqınnan tanıstırıldı.
Ilajǵa rayonnıń bir qatar mákeme hám kárxana basshıları ózlerine biriktirilgen jumıssız jaslardı usı orınǵa aparıp jumıs penen tanıstırdı.
Jaslar unamlı shesheim qabıllap usı orınǵa jumısqa keliw niyetlerin bildirdi.
Qanlıkól rayonı hákimliginiń Málimleme xızmeti
Kanalǵa aǵza bolıw: https://t.me/kanlikulnews