STOL TENNISI
2025-06-05 17:35:00 / Министрлик
Ózbekstkn Respublikası Sport ministrligi, Milliy Olimpiya komiteti, Qaraqalpaqstan Respublikası Joqarǵı Keńesi menen birgelikte "Jańa Ózbekstan Olimpiya shıńları" sport jarıslarınıń 15-17 jas aralıǵında kız hám er balalar arasında Stol tennisi túri boyınsha Prezident Olimpiadasınıń Qanlıkól rayonında respublika aymaqlıq basqıshı boldı.
Jarısqa respublikamızdıń Moynaq, Qońırat, Shomanay hám Qanlıkól rayonı sportshıları qatnastı.
Ashılıw saltanatında rayon hákimi B.Sultanov sportshılardı qutlıqlap sporttıń áhmiyetine keń túrde toqtaldı.
"Jańa Ózbekstan Olimpiya shıńları" sport jarıslarınıń 15-17 jas aralıǵında kız hám er balalar arasında Stol tennisi túri qızǵın bellesiwlerge bay boldı.
Shaqqanlıq epshillik hám tereń aqıl oy talap etetuǵın hám rawajlandıratuǵın bul sport túrinde hár bir sportshı óz sheberliklerin iske saldı.
"Jańa Ózbekstan Olimpiya shıńları" sport jarıslarınıń Stol tennisi túri respublika aymaqlıq basqıshınıń jeńimpazları anıqlandı.
Sportshılardı rayon hákimligi, Ózbekstan hám Qaraqalpaqstan stol tennisi federaciyaları basshıları hám basqalar qutlıqlap medal hám diplomları saltanatlı jaǵdayda tapsırıldı.
Jarıs jeńimpazları kelesi respublikalıq basqıshqa qatansıw ushın jollamalar aldı.
Qanlıkól rayonı hákimliginiń Málimleme xızmeti