"Áhmiyetli 90 kún" joybarı Qanlıkól rayonında baslandı
2025-06-01 21:10:00 / Министрлик
Ózbekstan Respublikası Prezidenti basshılıǵında ótkerilgen videoselektor májilisinde belgilengen tiykarǵı wazıypalardıń orınlanıwın támiyinlew maqsetinde Qanlıkól rayonında "Áhmiyetli 90 kún" joybarınıń “jaslar seyili” orayında saltanatlı ashılıwı boldı.
Bunda rayon hákimi B.Sultanov qutlıqlap máwsim dawamında islenetuǵın jumıslarǵa oqtaldı.
Bul joybar rayon hákimligi, Mektepke shekemgi hám mektep bilimlendiriwi bólimi, Mádeniyat hám Jaslar isleri agentligi rayon bólimleri menen birgelikte shólkemlestirildi.
Joybardıń tiykarǵı maqseti - jazǵı dem alıs dáwirinde oqıwshılar hám jámlespegen jaslardıń bos waqıtların mazmunlı hám nátiyjeli ótkeriw, olardı hár qıylı paydalı jumıslarǵa tartıw, bilim hám kónlikpelerin rawajlandırıw, sonday-aq, ata-anaları jumısta bolǵan waqıtta balalardıń qarawsız qalıwınıń aldın alıwdan ibarat.
Joybar sheńberinde sport, súwret, shaxmat-shashka, IT sıyaqlı baǵdarlarda dógerekler shólkemlestirilip, oqıwshılardıń qızıǵıwshılıǵı hám qábiletlerin rawajlandırıwǵa ayrıqsha itibar qaratılmaqta.
"Áhmiyetli 90 kún" joybarı jaslardıń bos waqtın nátiyjeli shólkemlestiriw, olardı salamat turmıs tárizine, sociallıq belsendilik hám intellektuallıq rawajlanıwǵa baǵdarlawda úlken áhmiyetke iye.
Ashılıw saltanatı koncert baǵdarlaması menen dawam etti.
Qanlıkól rayonı hákimliginiń Málimleme xızmeti
Kanalǵa aǵza bolıw: https://t.me/kanlikulnews