Sessiya májilisinde
2025-05-27 12:15:00 / Министрлик
Sessiya májilisinde
Qanlıkól rayonı hákimligi májilisler zalında xalıq deputatları rayonlıq Keńesiniń onınshı sessiyası boldı.
Sessiyaǵa rayonlıq Keńes deputatları, hákim orınbasarlırı, huqıq qorǵaw uyımları hám rayon mákeme, kárxana shólkem basshıları katnastı.
Sessiya jumısın rayon hákimi B.Sultanov basqarıp bardı.
Sessiyada dáslep Qanlıkól rayonında 2025-jıl I-sheregi dawamında jergilikli byudjet parametrleriniń orınlanıwı hám jergilikli byudjetiniń dáramatlar rejesine hámde qarejetler rejesine ózgerisler kiritiw haqqında rayonı Ekonomika hám qarjı bólimi baslıǵı birinshi orınbasarı A.Esbergenov bayanatı tıńlandı.
-Bunnan son sessiyada “Qorshaǵan-ortalıqtı qorǵaw hám“ jasıl”ekonomika jılı” mámleketlik baǵdarlamasında belgilengen wazıypalardıń 2025-jıl ótken dáwirinde ámelge asırılıwı haqqında Qanlıkól rayonı hákiminiń orınbasarı J.Jeksembiev,
-“Qaraqalpaq suw támiynatı” JShJ rayon bólimi tárepinen 2025-jıldıń ótken ayları dawamında ámelge asırılǵan jumısları haqqında rayon bólimi baslıǵı S.Xojantaev bayanatları tıńlanıp tiyisli qararlar qabıl etildi.
Sessiyada “Xalıq deputatları Qanlıkól rayonlık Keńesiniń turaqlı komissiyaların dúziw hám quramın qáliplestiriw haqqında”ǵı hám -“Xalıq deputatları Qanlıkól rayonlıq Keńesi janında Jaslar másláhát toparın shólkemlestiriw haqqında”ǵı sheshimlerine ózgerisler kirgiziw,
-Sonday-aq, Ózbekstan Jaslar isleri agentligi rayon bólimi baslıǵı T.Muratbaevtıń, rayonında jaslar siyasatı tarawında ámelge asırılıp atırǵan jumıslar hám aldaǵı baslı wazıypalar haqqında bayanat deputatlar názerine usınılıp tiyisli qararlar qábıl etildi.
Sessiya májilisi usınıń menen juwmaqlandı.
Qanlıkól rayonı hákimliginiń málimleme xızmeti.