Diyqan bazarı el ǵáziynesi
2026-11-22 13:05:00 / Министрлик

Bazar infrastrukturasın jaqsılaw, sanitariyalıq-gigienalıq talaplarǵa qatań ámel etiw hám qarıydarlar ushın jáne de qolaylı ortalıq jaratıw tiykarǵı wazıypa.
Qanlıkól rayonı hákimi B.Sultanov bazar xızmeti jumısı menen tanıstı. Búgin rayon diyqan bazarı gúz máwsimi jemisleri menen tolısqan. Jergilikli diyqan hám islep shıǵarıwshılar tárepinen jetistirilgen ónimler bazar kelbetin bezeydi.
Rayon hákimi sawda xızmeti, ónimlerdiń sapası hám bahanıń turaqlılıǵına ayrıqsha itibar qaratıp, xalıqqa qolaylı sharayatlar jaratıw, sawda orınlarınıń tazalıǵı hám tártibin támiyinlew baǵdarında usınıslar bildirdi.
Máwsimge tán ónimdarlıq bazarda óz kórinisin tapqan bolıp, taza ovosh hám miyweler satıw orınların bezep tur. Isbilermenler hám satıwshılar, qarıydarlar ushın xızmet kórsetiwdiń sapasın bunnan bılay da arttırıw boyınsha tiyisli kórsetpeler berildi.






