Xalıq penen ashıq sáwbet turaqlı dawam etpekte
2026-11-21 08:40:00 / Министрлик

Qanlıkól rayonında xalıqtıń múrájatların tıńlaw, puqaralardı qıynap kiyatırǵan mashqalalardı ornında úyreniw hám olardı sheshiw boyınsha kóshpeli qabıllaw ótkerildi.
Kóshpeli qabıllawda Qaraqalpaqstan Respublikası Ministrler Keńesi Baslıǵınıń orınbasarı A.Allaniyazov qatnasıp, puqaralardıń múrájatların tikkeley tıńladı.
Sóylesiw dawamında xalıqtıń medicinalıq járdem, bántlik, sociallıq járdem, bank kreditleri menen baylanıslı máseleleri hám basqa da turmıslıq múrájatları kórip shıǵıldı.
Hár bir múrájat boyınsha tiyisli juwapkerlerge anıq tapsırmalar berilip, mashqalalardı ámeliy sheshiw hám puqaralarǵa zárúr járdem kórsetiw ilajları belgilendi.
Kóshpeli qabıllawlar xalıqtıń múrájatların ornında úyreniw, mashqalalarǵa operativ sheshim tabıw hám puqaralar menen ashıq-aydın pikirlesiwdi jáne de kúsheytiwge xızmet etpekte.






