Qanlıkól rayonı hákimi B.Sultanov bazar xızmeti jumısı menen tanıstı.
2026-05-31 16:10:00 / Министрлик
Qanlıkól rayonı hákimi B.Sultanov bazar xızmeti jumısı menen tanıstı.
Diyqan bazarında sawda xızmeti, ónimlerdiń sapası hám bahanıń turaqlılıǵına ayrıqsha itibar qaratıldı. Sonday-aq, xalıqqa qolaylı sharayatlar jaratıw, sawda orınlarınıń tazalıǵı hám tártibin támiyinlew baǵdarında ámelge asırılıp atırǵan jumıslar kózden ótkerildi.
Máwsimge tán ónimdarlıq bazarda óz kórinisin tapqan bolıp, taza ovosh hám miyweler satıw orınların bezep tur. Isbilermenler hám satıwshılar, qarıydarlar ushın xızmet kórsetiwdiń sapasın bunnan bılay da arttırıw boyınsha tiyisli kórsetpeler berildi.
Sonıń menen birge, bazar infrastrukturasın jaqsılaw, sanitariyalıq-gigienalıq talaplarǵa qatań ámel etiw hám qarıydarlar ushın jáne de qolaylı ortalıq jaratıw boyınsha juwapkerlerge wazıypalar júklendi.