Qaraqalpaqstan Respublikası Qanlıkól rayonı hákimligi

Búgingi kúnde oqıwshı-jaslar arasında jınayatshılıq hám huqıqbuzarlıqlardıń aldın alıw, olardı hár qıylı unamsız illetlerden saqlaw eń áhmiyetli wazıypalardan biri bolıp qalmaqta. Ásirese, bayram ilajları aldında bul máselege jáne de ayrıqsha itibar qaratıw úlken áhmiyetke iye.
Usı maqsette Qanlıkól rayonı Jaslar orayında rayon hákimi B.Sultanov, IIB baslıǵı wazıypasın atqarıwshı B.Bulatov hám bilimlendiriw mákemeleri basshılarınıń qatnasıwında "Sońǵı qońıraw" ilajların  mádeniyatlı hám qáwipsiz ótkeriwge baǵıshlanǵan ruwxıy-aǵartıwshılıq májilisi bolıp ótti.
Ilaj dawamında juwapkerler tárepinen jámiyetlik tártipti saqlaw, jaslar arasında kewilsiz jaǵdaylardıń aldın alıw, bayram kúnlerin tártipli hám mazmunlı shólkemlestiriw boyınsha áhmiyetli usınıslar berildi.
Sonday-aq, mektep direktorlarına oqıwshı jaslardıń tınıshlıǵı hám qáwipsizligine biypárwa bolmaw zárúr ekenligi ayrıqsha atap ótildi.