Hayal-qızlar huqıqların qorǵaw - jámiyet turaqlılıǵınıń bekkem tiykarı
2026-05-04 08:55:00 / Министрлик
19-sanlı ulıwma bilim beriw mektebinde kúsh kórsetiw hám zorlıq jaǵdaylarınıń aldın alıw, sonday-aq, oqıwshı-jaslar arasında salamat ruwxıy ortalıqtı qáliplestiriwge qaratılǵan profilaktikalıq ilaj shólkemlestirildi.
Ilajda rayon hákimi orınbasarı, Shańaraq hám hayal-qızlar bólimi baslıǵı D.Ablamitova, IIB JQX XPB ag'a inspektori G.Turkpenbaevalar qatnasıp, kúsh kórsetiw hám zorlıqtıń kelip shıǵıw sebepleri, onıń unamsız aqıbetleri hám bunday jaǵdaylardıń erte aldın alıw ilajları boyınsha hár tárepleme túsindiriw jumısları alıp barıldı.
Sonday-aq, qatnasıwshılarǵa insan huqıqları menen nızamlı máplerin qorǵaw, óz-ara húrmet hám keńpeyillik ortalıǵın qáliplestiriw boyınsha zárúr usınıslar berildi.
Ilaj juwmaǵında bunday profilaktikalıq ushırasıwlar huqıqıy mádeniyattı arttırıw, olardı hár qıylı unamsız illetlerden saqlaw hám bilimlendiriw mákemelerinde qáwipsiz ortalıqtı támiyinlewde úlken áhmietke iye ekeni atap ótildi.