Qaraqalpaqstan Respublikası Qanlıkól rayonı hákimligi

MÁMLEKETIMIZ AZIQ-AWQAT QÁWIPSIZLIGIN TÁMIYINLEWDE ÓZ ÚLESIŃIZDI QOSIŃ, ÁSIRESE KАRTOSHKА HÁM BASQА ZАRÚRLI ÓNIMLERDI EGIWDI QISQА MÚDDETLERDE JUWMAQLAP, QOSIMSHA DÁRAMАTQА IYE BOLIŃ!

Qanlıkól rayonı fermerler keńesi Rayosatı aǵzalarınıń barlıq fermerlerge, baba diyqanlarǵa hámde awıl xojalıǵı tarawına tiyisli kárxanalarǵa

MÚRÁJАTI

Húrmetli fermerler, dıyqanlar hám awıl xojalıǵı tarawı pidayıları!

Siz aziz diyqanlardıń dóretiwshilikke tiykarlanǵan miynetińiz ásirler dawamında xalqımızdıń párawan turmısı, aǵıl-tegil dasturxanınıń tiykarǵı sebebi retinde tán alınǵan hám qádirlengen.

 Búgingi kúnde azıq-awqat qáwipsizligin támiyinlew-tekǵana awıl xojalıǵın turaqlı rawajlandırıw, bálki ıqlım ózgerisleri tásirin jumsarıw arqalı azıq-awqat qáwipsizligin támiyinlew, xalıq abadanlıǵın asırıwdıń tiykarǵı baǵdarına aylanıp atır. Mámleketimiz basshısı Nawrız bayramı ilajında miynetkesh diyqan hám fermerlerimizge joqarı húrmet bildirip, olardıń xalqımız dasturxanın molshılıǵın támiyinlewdey dańqlı miynetin tán alıp, olardı mámleket hám jámiyet tárepinen turaqlı qollap-quwatlawlar dawam etiwin ayrıqsha atap ótti. Bul qollap-quwatlawdan ruwxlanıp, azıq-awqat qáwipsizligin támiyinlew-hár birimizden juwapkershilik hám belsendilikti talap qılıp atırǵan eń aktual wazıypalardan eginligin aytıp, kartoshka, palız eginleri hám baw-baqsha ónimlerin qısqa múddetlerde egiwdi shólkemlestirip, ishki zárúrlikti tolıq qandırıw arqalı bazarlarda bahalar turaqlılıǵın támiyinlewde óz úlesimizdi qosayıq.

Hár bir qarıs jer-múmkinshilik. Odan aqılǵa say paydalanıw bolsa tekǵana jeke máp, bálki jurtımız abadanlıǵına qosılǵan úles bolıp tabıladı uranı menen bir qarıs jerimizge de ónim egiwdi shólkemlestireyik.

 Keliń, birgelikte háreket etip, xalqımız dasturxanın molshılıǵı, jurtımızdı jáne de párawan eteyik! Búgin fermerlerimizdiń tekǵana awıl xojalıǵı, bálki ekonomikanı kóteriw, xalıq turmısın jaqsılaw, azıq-awqat qawipsizligi boyınsha jumısları tán alınıwı sol múqaddes jerde tuwılıw hám tárbiya tapqan, ózin tap usı jurt perzenti dep biliwshi Siz aziz fermerlerdi óz mámleketi, xalqı aldındaǵı, onı úmitler menen tárbiyalaǵan jámiyet aldındaǵı wazıypasın ótewge shaqıramız.

Húrmetli diyqan hám fermerler!

Mámleketimiz xalqın awıl xojalıǵı ónimleri menen támiyinlew, xalqımız dasturxanına jetkiziw, bazarlarımızda baha asıp ketiwdiń aldın alıw eń tiykarǵı wazıypamız ekenligin umıtpawımız zárúr. Azıq-awqat ónimlerin jetistiriw strategiyalıq áhmiyetke ıye ekenligi menen bir qatarda, diyqan hám fermerlerimiz ushın jaqsı dáramat tabıw dáregi esaplanadı. Ásirese, kartoshka jetistiriw tekǵana kúndelik tutınıw ónimi, bálki xalıq tutınıwında eń zárúrli azıq-awqat ónimlerinen biri. Sol sebepli, azıq awqat ónimlerin jetistiriw kólemin asırıw arqalı bahalar turaqlılıǵın támiyinlew, importqa bolǵan qaramlılıqtı kemeytiw búgingi kúnniń eń aktual wazıypalarınan biri ekenligin umıtpayıq. Keliń, jurtımız Progressi ushın birgelikte háreket isleyik! “aktual bir ayliq”ta atız shetinen aqılǵa say hám nátiyjeli paydalanıw arqalı awıl xojalıǵı ónimlerin, atap aytqanda, kartoshka hám de palız eginleri hám baw-baqsha eginlerin egiwdi juwmaqlayıq. Bunnan tısqarı, baǵ hám qatar arasınan ónimli paydalanıp, qosımsha túrde palız eginleri eginlerin egip, zúráátlilikti asırıw hám ónim túrlerin kóbeytiwge hám de sol arqalı xalqımızdıń dasturxanın molshılıǵı, jurtımızda párawan etiwge óz úlesińizdi qosıń!

[Miynetkesh hám pidayı fermerler!

 Mámleketimizde azıq-awqat qawipsizligi támiyinlew, atap aytqanda, palız eginleri, kartoshka, palız, hám basqa eginlerinen joqarı ónim alıw ushın mart-Aprel' aylarında, yaǵnıy “aktual bir ayliq”ta biz fermerler tárepinen palız eginleri tuqımların waqıtında egip, agrotexnikalıq ilajlardı ámelge asırıw zárúrligi hám de erte egip qosımsha dáramat alıwınızdı júrekten sezinip, tómendegi ilajlardı ámelge asırıń :

 birinshiden-hár bir fermer xojalıǵı tárepinen “aktual bir ayliq” dawamında eginlerdi jaylastırıw dizimine muwapıq ashıq maydanlarda kartoshka, palız eginleri hám basqada eginlerin egiwdi juwmaqlaw ;

 ekinshiden-10 kún múddette atız shetlerine palız eginleri, maylı, sobıqlı yamasa mákke tuqımı hám nállerin egiwdi shólkemlestiriń;

 úshinshiden-ilimiy-izertlew mákemeleri menen birge islesiwdi kúsheytiriń, sapalı hám sertifikatlanǵan tuqımlardan egiw;

 tórtinshiden-kommerciyalıq bankler arqalı kartoshka jetistiriw qárejetlerin qarjılandırıw ushın ónim bahasınıń 50 procentke shekem jıllıq 12 procent stavkada 6 aylıq jeńillikli dáwir menen 12 ay múddetke qamsızlandırıw polis tiykarında ajıratılatuǵın kreditlerden paydalanıp, kartoshkanı waqıtında egip, qosımsha dáramat alıń;

 besinshiden-kartoshka, palız eginleri hám basqa eginler jetistiriwde suw únemlewshi texnologiyalardı keńnen paydalanıp, qararda belgilengen jeńilliklerden paydalanıw;

 altınshıdan-kartoshka, palız eginleri hám basqa eginlerge kesellik hám zıyankeslerge qarsı nátiyjeli gúres ilajların kóriń, mineral hám organikalıq tóginlerden belgilengen norma tiykarında paydalanıp, joqarı ónim alıwǵa hám qosımsha dáramat tabıwǵa erisiń.

Húrmetli fermer hám diyqanlar!

 Usı múnásebet penen hámmeńizdi “aktual bir aylıq” sheńberinde ámeldegi jer maydanlarınan, atap aytqanda, atız shetleri, baǵ hám qatar arasınan nátiyjeli paydalanıp, kartoshka hám basqa azıq-awqat eginlerin egiw jumısların qısqa múddette juwmaqlawǵa shaqıramız.

 Awıl xojalıǵı eginlerin egiwdi sonday kóterińkilik penen shólkemlestireyik, hár bir Ózbekstanlıman, degen insan ózin diyqan sıyaqlı sezinsin.

 Baba diyqan iynindegi júkti kóteriwge, xızmetke tayar, párawanlıq jolında el-jurtqa xizmet etiw sıyaqlı joqarı insanıylıq pazıyletlerdi tastıyıqlay otırıp, diyqanlardıń jeńislerinen maqtanısh sezimi júregińizde burqıp ursın!

 Hámmeńizdi sonday iygilikli ámellerdi orınlawda aktiv qatnasıwǵa shaqırıp, ekonomikamızdı kóteriw, ana jurtımız jáne de abat bolıwı ushın múnásip úlesińizdi qosıwǵa hám de “Aktual bir aylıq” dawamında awıl xojalıǵı eginlerin óz múddetlerinde egiwge hám de joqarı ónim alıwǵa shaqırıp qalamız!

Qanlıkól rayonı fermerler keńesi