Qaraqalpaqstan Respublikası Qanlıkól rayonı hákimligi

   Sessiyaǵa rayonlıq Keńes deputatları, hákim orınbasarları hám mákeme, kárxana basshıları qatnastı. Sessiyanı Xalıq deputatları rayonlıq Keńesi baslıǵı D.Ametov basqarıp bardı. Sessiyada birinshi masele Qaraqalpaqstan Respublikası Joqarǵı Keńesi Baslıǵınıń 2026-jıl 18-martdaǵı 307-B-sanlı «D.A.Ablamitovanı Qanlıkól rayonı hákiminiń orınbasarı, shańaraq hám  hayal-qızlar bólimi baslıǵı lawazımına tayınlaw haqqında»ǵı biyligin tastıyıqlaw haqqında, Ózbekstan Respublikası Prezidentiniń "2026-jılda aymaqlardı jańasha kózqaraslar tiykarında rawajlandırıw arqalı xalıqtıń dáramatın arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında"ǵı 2026-jıl 5-fevraldaǵı PQ-49-sanlı qararına muwapıq, sociallıq reestrdegi 1 topar mayıplıǵı bolǵan hám miynetke jaramlı aǵzası bolmaǵan shańaraqlardıń turaq jaylarınıń diywal hám tóbelerin izolyaciyalaw, energiya únemlewshi ayna hám esikler jáne quyash panelleri yamasa geliokollektor ornatıw ushın ajıratılǵan qarjı tastıyıqlaw haqqında bayanatları tıńlandı.

   Sessiyada Qanlıkól rayonı Mektepke shekemgi hám mektep bilimlendiriw bólimi baslıǵınıń rayon aymaǵındaǵı mektepke shekemgi mektep bilimlendiriw shólkemlerinde 2025-2026-oqıw jıllarında alıp barılǵan jumıslardıń nátiyjeligi haqqında hám ushırasıp atırǵan mashqalaları boyınsha esabatı, «Agrobank» AKB Qanlıkól filialı basqarıwshısınıń 2025-jılda hámde 2026-jıldıń ótken ayları dawamında ámelǵe asırılǵan jumısları hám ondaǵı ushırasıp atırǵan mashqalaları boyınsha esabatı, AK "Xalıq bank"niń Qanlıkól standart bank xızmetler orayı baslıǵınıń 2025-jılda hámde 2026-jıldıń ótken ayları dawamında ámelǵe asırılǵan jumısları hám ondaǵı ushırasıp atırǵan mashqalaları boyınsha, “Qaraqalpaq AETK” Qanlıkól rayonlıq elektr támiyinlewshi baslıǵınıń 2025-jılda hámde 2026-jıldıń ótken ayları dawamında ámelge asırılǵan jumısları haqqında bayanatları tıńlandı.

 Qanlıkól rayonı boyınsha 2026-jıl ushın tovarlardıń ayırım túrleri menen usaqlap satıw huqıqı ushın jıyımlardıń sheklengen stavkalarına arttırılatuǵın koefficientlerdi qollanıw haqqında, Ózbekstan Respublikası Prezidentiniń 2021-jıl 13-aprel kúngi “Byudjet processinde puqaralardıń belsene qatnasıwın támiyinlew boyınsha qosımsha is-ilájları haqqında”ǵı 5072-sanlı qararına muwapıq 2026-jıl 1-máwsim boyınsha rayon aymaǵındaǵı sociallıq-ekonomikalıq rawajlandırıwǵa qaratılǵan jámiyetshilik pikiri tiykarında qáliplestirilip hám jeńimpaz dep tabılǵan usınıslardı qarjılandırıw haqqında,  Ózbekstan Respublikası Prezidentiniń 2025-jıl 12-sentyabrdegi "Awıl xojalıǵına mólsherlengen jerlerde ónim jetistiriwdiń úzliksizligin támiyinlew hám jerden paydalanıw nátiyjeliligin arttırıw boyınsha qosımsha ilajlar haqqında"ǵı PP-172-sanlı Pármanınıń orınlanıwın támiyinlew jáne rayon aymaǵında suw támiynatı hám suwǵarıw sistemaların jaqsılaw ilajları haqqında máseleler deputatlar názerine usınıldı. Sessiya májilisinde tiyisli qararlar qabıl etildi.