Qaraqalpaqstan Respublikası Qanlıkól rayonı hákimligi

Minnetdarshılıq xatı

    Qanlıkól rayonı 5-sanli mektebi jamati tárepinen ámelge asırılıp atırǵan ruwxıy-aǵartıwshılıq jumıslar Ózbekstan Respublikası Áskeriy qáwipsizlik hám qorǵanıw universitetiniń Málimleme-kommunikaciya texnologiyaları hám áskeriy baylanıs institutınıń basshıları tárepinen ayrıqsha bahalandı. Usı baslamalardıń nátiyjesinde házirgi waqıtta watan qorǵawshısı kursantı bolǵan J.Erejepov ózi oqıǵan mektebine minnetdarshılıq xat alıp keldi. Tınıshlıqtı saqlaw, áskeriy tártip hám juwapkershilik ruwxında tárbiyalaw baǵdarındaǵı pidákerlik miynettiń nátiyjesi bolıp esaplanadı. 
Albette, J.Erejepovtıń oy-órisi, mámleket táǵdiri ushın juwapkershilik seziminiń joqarılıǵı, óz Ana-Watanına degen sheksiz súyishpenshiliginiń qálipleswinde hámde bunday  jetisenliklerge erisiwinde ata-anasınıń, ustazlarınıń hám 5-sanlı mektep jámáátiniń qosqan úlesi júdá úlken.
Sáwbetlesiwde mektep oqıwshıları ózleriniń keleshekte ásker bolıp ótiwin, Watandı qorǵaw, el tınıshlıǵı ushın ayanbay xızmet etetuǵının bildirdi.