Portal haqqında

16+

Portal haqqında

Ózbekstan Respublikasınıń Húkimet portalı Ózbekstan Respublikası Húkimetiniń Internet tarmaǵındaǵı rásmiy mámleketlik málimleme resursı bolıp esaplanadı.

Ózbekstan Respublikasınıń Húkimet portalınıń shólkemlestiriliwi hám qollap-quwatlanıwı Ózbekstan Respublikası Ministrler Kabinetiniń 2016-jıl 3-iyundegi 188-sanlı qararına muwapıq ámelge asırılmaqta.

Ózbekstan Respublikasınıń Húkimet portalı mámleketlik uyımlardıń, sonday-aq, yuridikalıq hám fizikalıq tulǵalar arasındaǵı elektron-málimleme birge islesiw infrastrukturasınıń sistemanı shólkemlestiriwshi elementi bolıp tabıladı.

Tiykarǵı maqsetleri:

Puqaralar hám xojalıq júrgiziwshi subyektlerge hákimiyat hám basqarıw uyımları tárepinen usınılatuǵın málimleme resursları hám xızmetleriniń kólemin arttırıwǵa mólsherlengen qánigelestirilgen málimleme sistemasın jaratıw;
Ózbekstan Respublikası Hákimiyatınıń jumısı haqqındaǵı maǵlıwmatlar menen támiyinlew, Ózbekstan Respublikasınıń Húkimet portalınıń maqsetli auditoriyasın zárúr mákemeler menen óz-ara baylanısıw processleri hám imkaniyatları haqqında, puqaralardıń minnetleri hám huqıqlarınıń kelip shıǵıwı haqqında, mámleketlik hákimiyat uyımlarınıń jumısı haqqındaǵı málimlemelerden tolıq, operativ hám paydalanıwda qolaylılıǵı, mámleketlik hákimiyat uyımları hám basqarıwdıń rásmiy poziciyasın sáwlelendiriwshi keń kólemli málimlemeler menen támiyinlew;
Sheklengen xızmetke mólsherlengen málimlemege kirgizilgen maǵlıwmatlardan tısqarı, tiyisli málimleme resursların jaylastırıw hám shólkemlestiriw jolı menen puqaralar hám shólkemlerdiń mámleketlik atqarıw hákimiyatı uyımlarınıń jumısı haqqındaǵı rásmiy málimlemege kiriwin támiyinlew;
Mámleketler aralıq málimleme almasıwdıń jedellesiwi;
Ózbekstan Respublikasınıń xalıq aralıq abırayın arttırıw hám milliy ekonomikamızǵa investiciyalardı tartıw ushın sharayatlardı jaratıw

Tiykarģı funkciyaları:

mámleketlik hákimiyat hám basqarıw uyımlarınıń málimleme birge islesiwin támiyinlew;
maǵlıwmatlardı belgilengen formatta usınıwda mámleketlik mákemeler arasında "húkimet" dárejesinde maǵlıwmatlardı gorizontal almasıw;
maǵlıwmatlardıń oraylasqan bazasına kiriw tiykarında birden-bir málimleme resurslarınan birgelikte paydalanıw;
ekonomikalıq, huqıqıy, statistikalıq, elektoral informaciyalar menen vertikal informaciya almasıwı;
mámleketlik-jámiyetlik awızbirshilikti támiyinlew;
mámleket-puqara;
mámleketlik ekonomikalıq qatnasıqlar subiyektleri;
mámleketlik-jámiyetlik institutları (siyasiy, diniy, milliy, mádeniy, kommerciyalıq emes hám t.b. shólkemler hám birlespeler);
sırtqı auditoriyaǵa mólsherlengen, mámleketlik hákimiyat hám basqarıw uyımlarınıń kóp sanlı málimleme resurslarına, uyımlardıń " keńeytilgen" serverine kiriwdiń birden-bir noqatın jaratıw;
mámleketlik institutlardıń jumısı haqqındaǵı málimlemelerdi usınıw;
huqıqıy málimlemege kirisiwdi támiyinlew (respublika, regionallıq nızamshılıq, ministrlikler hám uyımlardıń normativ aktleri);
mámlekette "Global málimlemelesken jámiet"ke sáykes qatnasıqlardı qurıw hám qáliplestiriwge járdemlesiw;
mámleketlik institutlardıń jumıs islew nátiyjeliligin arttırıw;
vedomstvolıq hám byurokratiyalıq tosqınlıqlardı jeńip ótiwge járdemlesiw;
mámleketlik xızmettiń abıroy-mártebesin arttırıw.

Portaldan paydalanıw imkaniyatları:

Bul portal onnan paydalanıw imkaniyatların joqarı dárejede támiyinlewdi esapqa alǵan halda joybarlastırılǵan hám islep shıǵılǵan. Bunda hár túrli funkciyalar hám buyrıqlar, grafikalıq belgiler hám súwretlerdi paydalanbastan, tikkeley HTML/CSS texnologiyaları menen islep shiģilgan.

Bul portal Pútkil jer júzilik órmekshi tarmaǵı (W3C) Konsorciumı qaǵıydalarına tolıq ámel etken halda jaratıldı. Bul qaǵıydalar 14 tiykarǵı bántti óz ishine aladı hám úsh tiykarǵı toparǵa bólinedi: birinshi topar qaǵıydalarına ámel etiw májbúriy, ekinshi topar qaǵıydalarına ámel etiw kerek, úshinshi topar qaǵıydalarına bolsa belgili dárejede ámel etiw ushın ámel etiw kerek.

W3C qaģıydalarına juwap beriw dárejesine qaray barlıq saytlar kategoriyalarga bólinedi. A kategoriyası birinshi topar qaģıydalarına tolıq juwap beriwdi anlatadı, AA kategoriyası birinshi hám ekinshi topar qaģıydalarına, AAA kategoriyası barlıq topar qaģıydalarına juwap beriwdi anlatadı. Bul portal keminde A kategoriyasında, hám tiykarınan AA kategoriyasına juwap beriw dárejesinde islep shıǵılǵan. Qosımsha maǵlıwmatlardı "W3C paydalanıw imkaniyatları qaǵıydaları" bóliminde tabıwıńız múmkin.

Súwretlerden paydalanıw:

Portaldagi barlıq súwretler alt text dep atalıwshı alternativ táriyplengen tekst penen támiyinlengen. Bunnan tısqarı, barlıq tiykarǵı HTML tegler tiyisli role atributı menen támiyinlengen bolıp, bul túrli tekst oqıwshı brauzerler, ekran oqıwshılar hám basqa járdemshi texnologiyalar tárepinen túsinikli bolıwın támiyinleydi. Portalda onıń júkleniw waqtın qısqartıw, kólemin azaytıw maqsetinde súwret kórinisindegi fayllardan imkanı barınsha az paydalanıwǵa háreket etilgen.

Shriftler kólemin ózgertiw hám brauzerler arasında sáykeslik:

Portalda brauzer arqalı kólemin ózgertiw imkaniyatı bar bolǵan shriftler qollanılǵan. Internet Explorer brauzerinde shrift kólemin ózgertiw ushin Prosmotr (View) bólimine kirip Razmer teksta (Text Size) kishi bólimin tańlaw hám eń kishi (Smallest) kólemnen eń úlken (Largest) kólemge shekem qálegenin tańlaw múmkin. Portalda shriftler ortasha (Medium) kólemde berilgen.

Mozilla Firefox brauzerinde shrift ólshemin ózgertiw ushin Prosmotr (View) > Masshtab (Zoom) bólimine kirip Uvelichit (Zoom In), Umenshit (Zoom Out) yamasa Uvelichit tolko tekst (Zoom Text Only) funkciyalarınan paydalanıw múmkin. Tekstti dáslepki kólemge qaytarıw ushin Sbros (Reset) bólimin tańlaw kerek. Bul portal ondaǵı elementler kólemin qálegen tárizde ózgertiw imkaniyatları menen birge jaratılǵan.

Portal mına brauzerlerge sáykes keliwi boyınsha tekseriwlerden ótken: IE8Q, Firefox 3Q, Opera 9Q, Safari 4Q, Chrome. Sonıń menen birge, portaldıń tek ǵana tekstten ibarat kórinisine de iye bolıp, bul kórinis te zamanagóy brauzerler hám de ekran riderlerine sáykes keliwi boyinsha tekseriwlerden ótken.

Betlerdi basıp shıǵarıw:

Portaldıń barlıq betlerinde basıp shigarıw funkciyası bar bolıp, ol betti printer arqalı basıp shigarıw imkaniyatın beredi.

Qollap-quwatlaw:

Húkimet portalın málimleme menen támiyinlew hám strukturalıq adminstratorlıq etiw Mámleketlik málimleme sistemaların jaratıw hám qollap-quwatlaw boyınsha birden-bir integrator UZINFOCOM janındaǵı Ózbekstan Respublikası Húkimet portalın Málimleme menen támiyinlew hám rawajlandırıw toparı tárepinen ámelge asırıladı.

Normativ hújjetler bazası:

2283

Sońǵı jańalanıw: 2025-08-15 12:09:51