Ministrler Kabinetiniń Prezidiumı

Ózbekstan Respublikası Bas ministriniń sekretariatı Ministrler Kabineti Prezidiumınıń jumısshı uyımı esaplanadı. Ministrler Kabinetiniń turaqlı isleytuǵın uyımı sıpatındaǵı Ministrler Kabinetiniń Prezidium májilisleri hár háptede Ózbekstan Respublikasınıń Bas ministri tárepinen ótkeriledi.

Ministrler Kabineti Prezidiumınıń kórip shıǵıwı ushın Ózbekstan Respublikası Prezidenti tapsırmalarınıń orınlanıwın shólkemlestiriw máseleleri hám Ministrler Kabinetiniń wákilligine kiretuǵın máseleler kirgiziledi, «Ózbekstan Respublikası Ministrler Kabineti haqqında»ǵı Ózbekstan Respublikasınıń Nızamına muwapıq tek ǵana Ministrler Kabinetiniń májilislerinde kórip shıǵılatuǵın máseleler buǵan kirmeydi..

Ministrler Kabinetiniń Prezidium májilislerinde kórip shıǵıw ushın máselelerdi tayarlaw Ministrler Kabinetiniń Prezidiumı tárepinen belgilengen tártipte ámelge asırıladı.

Ministrler Kabinetiniń Prezidium májilislerinde qabıl etilgen qararlar protokol túrinde shıǵarıladı, olardıń orınlanıwın qadaǵalaw Bas ministr sekretariatına, Bas ministr orınbasarlarına hám málimleme-talqılaw departamentleriniń basshılarına júklenedi. Bayan májiliste basshılıq etiwshi tárepinen qol qoyıladı.

Ministrler Kabinetiniń orınlanǵan qararları hám biyliklerin qadaǵalawdan shıǵarıw haqqındaǵı qarar Ministrler Kabinetiniń Prezidiumı tárepinen qabıl etiledi.