Qaraqalpaqstan Respublikası Nókis qalası hákimligi

Мәмлекетлик сиясаттың бас бағдары - инсан!

 

Бүгин қала ҳәкими А.Данияров басшылығында қалалық мәкеме-шөлкемлер басшылары қатнасында алдағы белгиленген жумыслар бойынша терең талқылаўдағы ашық сәўбет болып өтти.
Онда бюджет түсимлери, "Жасыл экономика", халықтың мүрәжатлары тийкарында мәҳәллелердеги инфраструктураны еледе жақсылаў, қыйтақ жерлерге ақаба суў алып барыў, сондай-ақ, социаллық объектлердиң қурылыс жумысларын жедделестириўдеги мәселелери, тапсырмалардың орынланыўы диалог формасында ашық-айдынласты.
Соның менен келешектеги ислениўи керек, халықтың жасаў турмысының жақсыланыўы бағдарында жумыслар белгиленип, тапсырмаларлың орынланыўы бирме бир бекитилди.