Baspasóz ánjumanı
2026-11-12 14:30:00 / Баспасөз әнжуманлары
Nókis qalasında bilimlendiriw tarawında ámelge asırılıp atırǵan keń kólemli reformalar, jańadan qurılıp atırǵan, tolıq ońlanıp shıǵarılǵan jáne zamanagóy úskeneler menen támiyinlenip atırǵan mektepke shekemgi bilimlendiriw shólkemleri hám ulıwma bilim beriw mekteplerindegi infrastruktura jańalıqların ǵalaba xabar quralları wákilleri bolǵan jurnalistler arqalı keń jámiyetshilikke jetkeriwde baspasóz ánjumanı hámde press-tur shólkemlestirildi.
Sonıda aytıp ótiw orınlı,
Nókis qalalıq mektepke shekemgi hám mektep bilimlendiriw bólimine jańadan imarat paydalanıwǵa tapsırılǵan edi. Búgingi kúnde 90 aslam taraw xızmetkerleri zamanagóy, ıqsham xanalarda óz xızmet wazıypaların nátiyjeli alıp barmaqta.
Baspasóz ánjumanında bólim basshıları tárepinen 2026-jıl dawamında ámelge asırılǵan jumıslar boyınsha tolıq maǵlıwmat berilip, jurnalistlerdi qızıqtırǵan sorawlarına juwaplar qaytarıldı. Bunnan soń press-tur qatnasıwshıları qalamızdaǵı jańalanǵan bilimlendiriw mákemelerinde jaratılǵan sharayatlardı kózden ótkerdi.
Ilaj dawamında ǵalaba xabar quralları wákilleri bólimniń jańa imaratında jaratılǵan sharayatlar, tarawdaǵı sanlastırıw jumısları hám aldaǵı rejeler menen jaqınnan tanıstı.