Qaraqalpaqstan Respublikası Nókis qalası hákimligi

Nókiste 59 subsidiya tapsırıldı

Nókis qalasındaǵı «Hayallar dápteri» diziminde bolǵan hayal-qızlardıń bántligin támiyinlewde olardıń qızıǵıwshılıǵı, usınısları úyrenilip 59 dana tigiw mashinaların subsidiya sıpatında tapsırıldı.
Ilajda Nókis qalası hákiminiń orınbasarı — Shańaraq hám hayal-qızlar bóliminiń baslıǵı Z.Dáwletnazarova qatnasıp,  Prezidentimizdiń baslaması menen ilgeri súrilgen «Insan qádiri ushın» siyasatı menen xalqımızdıń sonıń ishinde hayal-qızlardıń turmısına baxtiyarlıq alıp kiriwdegi búgingi ilajdıń túp mánisin jıynalǵanlarǵa tanıstırdı.
Sonday-aq, bul iygilikli baslamanı sáwlelendiriwde, keń jámiyetshilikke jetkeriwde  ǴXQ wákilleri bolǵan jurnalistler mirát etildi.