Qaraqalpaqstan Respublikası Nókis qalası hákimligi

Jaslardıń mashqalaları qanshelli tez saplastırılmaqta?

Nókis qalası hákimi A.Daniyarov, 10 ǵa shamalas juwapker shólkem basshıları hám máhállelerdegi belsendi jaslardıń qatnasıwında gezektegi "Hákim hám jaslar" ushırasıwı bolıp ótti.
Ashıq hám qızǵın sóylesiw ruwxında ótken ushırasıwda 30 dan aslam jaslar tikkeley qatnasıp, ózlerin oylandırıp atırǵan 30 dan aslam másele hám ámeliy usınıslardı ortaǵa tasladı. Múrájatlardıń tiykarǵı bólegin bántlikti támiyinlew, isbilermenlik baslamaların qollap-quwatlaw hám sociallıq máseleler quradı.

Soraw berildi - sheshim usı jerdiń ózinde tabıldı!

Ushırasıw tek ǵana tıńlaw yamasa jazıp alıw ushın emes, al tez nátiyje kórsetiw ushın shólkemlestirilgenin ámelde dálilledi.
31 túrli baǵdardaǵı múrájatlar hár tárepleme kórip shıǵılıp, jumısqa jaylasıw jaǵdayı boyınsha múrájat etken jaslardıń besewine sol jerdiń ózinde múnásip jumıs orınlarına jollamalar berildi. Kredit hám isbilermenlik máselesindegi múrájatlar boyınsha bankke hám tiyisli juwapkerlerge anıq tapsırmalar berilip, orınlanıwı qadaǵalawǵa alındı.

Bulardıń barlıǵı Prezidentimizdiń Qaraqalpaqstan jasların qollap-quwatlaw boyınsha belgilep bergen tiykarǵı wazıypaları hám joqarı itibarınıń ayqın kórinisi bolıp tabıladı.