Qaraqalpaqstan Respublikası Nókis qalası hákimligi

«Men aldanıp qaldım»

Aldın xabar bergenimizdey, (https://t.me/nukus_pressa/5721) búgin  Nókis qalası hákimi A.Daniyarov puqaralardıń múrájatların tıńlaǵan edi.
Qabıllaw dawamında puqaralar tiykarınan bántlik, sociallıq qorǵaw, kommunallıq xızmetler, turaq jay hám basqa da turmıslıq máseleler boyınsha múrájatların bildirdi. Hár bir múrájat dıqqat penen tıńlanıp, juwapkerlerge nızam sheńberinde úyrenip shıǵıw hám ámeliy járdem beriw ilajlarıe kóriwde anıq tapsırmalar berilip, orınlanıwına qala hákimi óz  qadaǵalawına aldı.
-Men «Jolshılar» máhállesinen pitpegen úy alǵan edim, úydiń burınǵı iyesi hújjetińdi nızamlastırıp beremen,dedi.
Úydi salıp bolǵanımızdan soń ókpemdi operaciya isletip, úshinshi perzentimdi bosanıpta aldım.  Aradan biraz waqıt ótti.
Nızamsız jay salǵansań degen arza menen meni sudqa shaqırdı.
Aldanıp qaldım. Endi qayaqqa baraman?-deydi Dina Rizbaeva.
Múrájatshınıń sebepleri anıqlastırılıp oǵan huqıqıy túsinik berilip, taraw juwapker basshısına jaydıń hújjetleri nızamlı jaǵdayǵa kelemen degeninshe buzdırmay turıw boyınsha sudqa iltimasnama kirgiziwine tapsırmalar berildi. 
Bul insanıylıq!
-Qızım medicinalıq institutta úshinshi kursta oqıydı. Shártnama pulın tóley almay atırmız. Jalǵız basım menen kóshede nesiybemdi terip júrip , úlken balamdı oqıttım. Tóbemizde jayımızda joq, maǵan járdem beriń hákim balam,-deydi kózi jaslanıp jetpis úsh jasar Ziyada Naǵmetova. 
Qala hákimi bul múrájattı da unamlı sheshiwge kórsetpeler berip, tikkeley ózi qadaǵalawǵa aldı.
Bul da insanıylıq!
Bunday múrájatlardıń dizimi, dizbegi kóp. 
Olardıń bárin bayanlaw ushın  mıń qırıq bes betlik «Múrájatlar»kitabın jazıw kerek boladı.
Qardan soń jawın degendey insannıń ómiri solay... Kewillerge hátirjamlıq beretuǵın , Prezidentimizdiń tapsırmasına bola engizilgen xalıq múrájatları menen islesiw sisteması bar eken, puqaralarǵa mámleketimizdiń járdem qolları sozıla beredi.
Jetkizgenine shúkir!
Sonı da bildirip ótiwimiz kerek, qala hákimi otız eki múrájattı úsh saattan aslam waqıt dawamında tıńlanıp, bunnan soń arzalardıń nızamlı sheshiliwinde taraw basshılarına jol-jobalar beriwde  kórsetpeler berildi.