Tayınlaw: Nókis qalalıq Máhálleler awqamı bólimine jańa baslıq tayınlandı
2026-10-16 19:00:00 / Jańalıqlar
Tayınlaw: Nókis qalalıq Máhálleler awqamı bólimine jańa baslıq tayınlandı
Búgin Nókis qalası hákimliginde shólkemlestiriw máselesine baǵıshlanǵan májilis ótkerildi.
Onda qala hákimi A.Daniyarov hám Ózbekstan máhálleleri awqamı Qaraqalpaqstan Respublikası basqarması baslıǵı S.Turmanov, sonday-aq máhálle «jetiligi» aǵzaları hám jámiyetshilik wákilleri qatnastı.
Májiliste shólkemlestiriw máselesi kórip shıǵılıp, Urazbaev Jambıl Davlatbaevich Ózbekstan máhálleleri awqamı qalalıq bólimi baslıǵı lawazımına tayınlandı.
Májiliste máhálle institutınıń jámiyettegi ornın bekkemlew, «máhálle jetiligi» sistemasınıń nátiyjeliligin arttırıw hám puqaralardıń múrájatların óz waqtında sheshiw boyınsha áhmiyetli wazıypalar belgilep berildi.
Jambıl Davlatbaevichtiń keleshektegi jumıslarına tabıslar tileymiz!
Maǵlıwmat retinde J.Urazbaev qalamızdaǵı «Náwbáhár» máhállesi baslıǵı lawazımında jumıs isledi.