Onıń quwanıshlı kózlerinde mámleketke minnetdarshılıqtı kóreseń
2026-10-02 10:00:00 / Jańalıqlar
Búgin xalıq sorawlardı beriwdi emes, minnetdarshılıqtı sóylegisi keledi
***
On eki jasar Roza, tósekte neshe kúnnen berli nawqaslanıp jatırǵan anasınıń ayaqlarına shulıq kiygizbekte. Ayaǵıń muzday dep,apasınıń júzine qaraydı.
Miyirmanlıq.
***
-Ákem seksenge shıqtı. Yubiley! Eski jora-joldasın shaqırıp,ákemdi quwantpaqshıman.
Miyirmanlıq.
Jámiyette adamgershilikli múnásibetler bolar eken, insan balası baxıtqa, jámiyetke, jaqınlarına kerek ekenligin sezinip uzaq jasay beredi.
Kerek, kerekli bolıw bul baxıt.
Húrmetli Prezidentimizdiń tapsırmasına tiykar, mámleketimizde Xalıq múrájatları menen birge islesiw sisteması jolǵa qoyılǵan bolıp, xalıq razıshılıǵına qaratılǵan iygilikli islerge qanat bolıp xızmet etpekte.
Búgin adamlar tek ǵana jaqınlarına emes, mámleketke kerekligin, áhmiyetli insan ekenligin túsinip jetken.
Olardıń múrájatların dıqqat penen tıńlasańız, mashqalaların áhmiyetli ekenligin túsindiredi. Bunday máseleler yaǵnıy úyshilik mashqalalar sociallıq máseleler bolıp, mámleket qadaǵalawına alınadı.
Búgin, qala hákimi A.Daniyarovtıń fizikalıq -yuridikalıq shaxslardı qabıllaw kúni edi. Biraqta qala hákimi
Xalıq deputatları Nókis qalalıq Keńesiniń gezektegi jigirma tórtinshi sessiyasına qatnasıwına baylanıslı puqaralardıń múrájatların qala hákiminiń birinshi orınbasarı M. Kannazarov tárepinen úyrenildi, tıńlandı.
Onda puqaralar ózlerin qıynaǵan mashqalaların , máslelerin ayttı.
Hár bir múrájattı qala hákimi jazılǵan variantta tanısıp shıǵıp, unamlı sheshiwde ámeliy ilajlar kóriledi.
Biz shańaraqtaǵı gózzal múnásibetlerdi kóz aldıńızǵa janlandıra otırıp, insanlardıń awırın jeńilletiwde mámleketimizde strategiya barlıǵın, insanıylıq kózqarasta kórip shıǵatuǵınlıǵın aytqımız keledi.
Máselen, jumıssız puqaralardıń bándligin támiyinlew, densawlıǵın tiklewge járdem kórsetiw, kem támiyinlengen xojalıqlardıń jasaw orının ońlap beriw, shártnama pulların qaplap beriw, infrastrukturalıq htb máseleler búgingi kúnde unamlı sheshilmekte.
Bunı bılay kóz aldıńızǵa janlandırǵım kelip tur.
Qala hákimi A.Daniyarovqa bántligin támiyinlew ushın
Murat Tlepov múrájat jollaǵan edi.
Murat baqshadan balasın alıp kiyatır, qolında miynet haqısı ... Onıń quwanıshlı kózlerinde mámleketke minnetdarshılıqtı kóreseń.
Mine bul waqıyaǵa da 15 kún bolıptı.
Prezident siyasatı hár bir shańaraqtıń baxıtlı bolıwı, insanlar turmısına jańalanıw nápesin alıp kiriwge baǵdarlanǵan, miyirman siyasat.