Qaraqalpaqstan Respublikası Nókis qalası hákimligi

Prezident Shavkat Mirziyoev Muǵallimler hám ustazlar kúni aldınan pedagoglar menen ushırastı.

Mámleketimiz basshısı barlıq ustaz hám trenerlerdi kásiplik bayramı menen qutlıqlap, olardıń jas áwlad tárbiyasındaǵı ornı haqqında sóz etti.

- Muǵallim - mehir dáryası, muǵallim - jaqsılıq bulaǵı, muǵallim - aǵartıwshılıq quyashı! - dedi Prezidentimiz.

Búgin jasalma intellekt bilim alıw hám miynet etiw usılların ózgertip atır. Biraq hesh bir texnologiya balanıń qálbine ustaz sıyaqlı jol tawıp, oǵan Watanǵa muhabbat hám juwapkershilik sezimin sińdirip bere almaydı. Usı mánide, mámleketimiz basshısı ómirin jaslardıń kamalǵa keliwine baǵıshlaǵan pedagoglarǵa minnetdarshılıq bildirdi.

Ushırasıwda bilimlendiriw hám ilim pidayılarınıń bir toparına mámleketlik sıylıqlar tapsırıldı. Sıylıqlanǵanlar arasında ustazlar menen birge bilimlendiriwdiń rawajlanıwına úles qosıp atırǵan isbilermenler hám sırt elli birge islesiwshiler de bar.