Nókis qalasında bıyıl sociallıq qorǵawǵa mútáj, kem támiyinlengen shańaraqlardı qollap-quwatlaw
2026-09-18 10:00:00 / Ashıq sáwbet
2026-jıl dawamında Nókis qalasında bıyıl sociallıq qorǵawǵa mútáj, kem támiyinlengen shańaraqlardı qollap-quwatlaw sisteması pútkilley jańa basqıshqa kóterildi. Bul baǵdarda ámelge asırılǵan mánzilli járdemler hám kórsetilgen xızmetler haqqında ashıq sáwbetlesiw ótkerildi
18.09.2026-jıl, Nókis qalası hákimligi Málimleme xızmeti
2026-jıl dawamında Nókis qalasında bıyıl sociallıq qorǵawǵa mútáj, kem támiyinlengen shańaraqlardı qollap-quwatlaw sisteması pútkilley jańa basqıshqa kóterildi. Bul baǵdarda ámelge asırılǵan mánzilli járdemler hám kórsetilgen xızmetler haqqında ashıq sáwbetlesiw ótkerildi
Búgingi kúnde Respublikamızda sociallıq qorǵaw tarawında ámelge asırılıp atırǵan reformalar, xalıqtıń járdemge mútáj qatlamların qollap-quwatlaw, insan qádirin ulıǵlawǵa qaratılǵan sistemalı jumıslar ámelge asırılıp kelinbekte.
Ásirese, bul baǵdarda alıp barılıp atırǵan jumıs ayrıqsha áhmietke iye bolmaqta. Onda mayıplıǵı bolǵan shaxslar, kem támiyinlengen shańaraqlar, jalǵız kekseler, balalar hám sociallıq qorǵawǵa mútáj basqa da kategoriyalar ushın mánzilli, ashıq-aydın hám nátiyjeli sociallıq xızmetler kórsetiw jolǵa qoyılǵan.
Sońǵı jıllarda sociallıq xızmetlerdi sanlastırıw, “Insan” sociallıq xızmetler oraylarınıń jumısın keńeytiw, sociallıq xızmetkerler institutın engiziw jáne profilaktika hám erte anıqlaw mexanizmlerin kúsheytiw boyınsha áhmiyetli qádemler qoyıldı. Bul reformalar xalıqtıń mámleketke bolǵan isenimin bekkemlewge, sociallıq ádillikti támiyinlewge xızmet etip kelmekte.
Búgingi kúnde sociallıq qorǵawdı máhálle dárejesinde shólkemlestiriw, sociallıq xızmet hám járdemlerdi kompleksli qatnas tiykarında kórsetiw, xalıqtıń awır sociallıq jaǵdayǵa túsip qalıwınıń aldın alıw, sonday-aq, sociallıq qorǵawdıń mánzilliligi hám nátiyjeliligin arttırıw, xalıqtıń járdemge mútáj qatlamınıń sociallasıwın támiyinlew maqsetinde Nókis qalası Insan sociallıq xızmetler orayı tárepinen 2026-jıldıń dawaminda máhállelerde bir qatar jumıslar ámelge asırıldı.
Nókis qalası boyınsha 350 mıń 400 xalıq, 110737 shańaraq hám 89310 úylerde jasaydı. Bul shańaraqlar 71 Máhálle lar jıyını aymaǵında jasaydı. Máhállelerge kompleks xızmet kórsetetuǵın 71 sociallıq xızmetker biriktirilgen. Bul sociallıq xızmetkerler tárepinen 2026-jıl 1-yanvardan berli 12310 22820 xızmet túrleri menen qamtıp alınǵan.
Járdemge mútáj shańaraqlardı anıqlaw nátiyjeleri. 8552 shańaraq, yaǵnıy xalıqtıń 7,7 procenti "Sociallıq reestr"ge kirgizilgen. Atap aytqanda:
Reestrge kirgizilgen 8552 shańaraqtıń, 3972 si mámleket támiynatındaǵı, 3580 kámbaǵal shańaraq, 1000 kámbaǵallıq shegarasındaǵı shańaraqlar bolıp tabıladı.
Usı shańaraqlardıń jámi 34321 aǵzası bolıp, sonnan 16134 i erler bolıp, 18187 si hayal-qızlardı quraydı.
Usı jıldıń 1-yanvar sánesinen baslap shańaraq hám shaxslardi uyme uy úyrenıw nátiyjesınde anıqlanǵan sociallıq járdemge mútáj shaxs hám shańaraqlar boyınsha 4641 keysler ashıldı.
Ashılǵan keyslar taypaları:
• Jetim balalar hám ata-ana qaramaǵınan ayırılǵan jáne tolıq bolmaǵan shańaraqlardaǵı balalar 148 jaǵdayda;
• Kem támiyinlengen shańaraqlar 2955 jaǵdayda;
• Belgili bir jasaw ornına iye bolmagan shaxslar 5 jaǵdayda;
• Mayıplıǵı bolǵan shaxslar, awır kesellikke shatılǵanlar, sonday-aq fizikalıq, aqılıy, sensorlıq yamasa ruwxıy kemshilikleri bolǵan hámde uzaq waqıt emleniwge mútáj bolǵan balalar 573 jaǵdayda;
• Erkinen ayırıw jazasın ótep bolǵan lar 3 jaǵdayda;
• Ata-ana qaramaǵınan, qarawısız hám qadaǵalawsız qalıp ketken balalar 94 jaǵdayda;
• Ata-analıq huqıqınan ayırılmastan perzentleri alıp ketilgen ata-analar 3 jaǵdayda;
• Ata-anası sırt mámleketlerge ketken, sonıń ishinde, sırtqı miynet migraciyasına ketken balalar 29 jaǵdayda;
• Kúsh kórsetiw hám zorlıqqa ushıraǵan hayallar hám olardıń erjetpegen perzentleri 580 jaǵdayda;
• Texnogen, tábiyiy hám ekologiyalıq túrdegi ayrıqsha jaǵdaylardan jábirlengen shaxslar 2 jaǵdayda;
• Basqalardıń kútimine mútáj bolǵan jalǵız jasaytuǵın hám de jalǵız kekseler hám mayıplıǵı bolǵan shaxslar 249 jaǵdayda;
Aymaqta mektepke shekemgi jastaǵı balalar 1263 Sociallıq reestrge kirgizilgen shańaraqlardıń perzentleri Mektepke shekemli álimte tartılǵan bolsa, 7-18 jastaǵı 2 313 baladan 1185 i hár qıylı dógereklerge tartılǵan.
Xalıqqa referal xızmetler kórsetiw boyınsha jámi 1183 talapnama qáliplestirilip, sonnan, 589 ı Kámbaǵallıqtı qısqartıw hám bántlik bólimine, 169 ı Jaslar agentligi rayonlıq bólimine, 128 i medicina birlespesine, 297 si basqa da shólkemlerge jiberildi.
"Mámleket támiynatındaǵı shańaraqlar"ǵa qosımsha 74 shaxsqa 1 mlrd 100 mln swm muǵdarında procentsiz kredit ajıratıldı; 48 turaq jay 2,5 mlrd swm qarjı esabınan "Jasıl ońlaw" baǵdarlaması tiykarında ońlandı. Sonday-aq, 987 shańaraqqa balalar napaqası, 316 shańaraqqa kútim napaqası tayınlandı.
Bunnan tısqarı, 1 607 shaxs sociallıq qamsızlandırıw menen qamtıp alındı hám 367 ǵa artezian qudıq qazıw, suw filtrin hám suw nasosın ornatıw boyınsha ámeliy járdem kórsetildi.
"Saqawat hám kómek" qorı arqalı jámi 4872 ǵa 5 mlrd 961 mln swmlıq járdem kórsetildi. Sonnan:
• Azıq-awqat penen támiyinlew ushın - 2985 puqaraǵa, 1 mlrd 231 mln swm;
• Turaq jayın ońlaw ushın- 48 puqaraǵa, 827,8 mln swm;
• Kiyim-kenshek penen támiyinlew ushın - 1788 puqaraǵa, 3 mlrd, 687,6 mln swm;
• Xirurgiyalıq ámeliyat hám emleniw ushın - 10 puqaraǵa, 173,8 mln swm;
• Kommunal qarızdarlıqtı qaplaw ushın - 35 puqaraǵa, 14,9 mln swm;
• Ijara qárejetlerin qaplaw ushın - 6 puqaraǵa, 25,2 mln swm.
Sociallıq reestrge kirgizilgen lardıń 1852 awır kesellikke shalınǵan shaxs. 471 mayıp balanıń anası sıpatında olarǵa qarawshı. 2097 mayıplıǵı bolǵan shaxs anıqlanǵan. Sonnan:
1-topar - 231 adam;
2-topar - 1257 adam;
3-topar - 113 adam;
• balalıqtan mayıp - 496 adam;
Shańaraqlar kesiminde;
• 2 mayıplıǵı bolǵan 189;
• 3 mayıbı bolǵan 22,
• 4 mayıplıǵı bolǵan 2 shańaraq bar eken anıqlanǵan hám bul shańaraqlar sociallıq xızmetker menen qamtıp alınǵan.
Házirgi kúnde Kúndizgi qaraw xızmetine 67 mayıplıǵı bolǵan bala qamtıp alındı.
"Faol hayotga qadam" baǵdarlaması sheńberinde 117 shaxs xızmet penen qamtıp alındı, 35 puqaraǵa medicinalıq-sociallıq xızmetler kórsetildi. 12 nıń densawlıǵı tiklendi, 11 jalǵız kekseniń densawlıǵı jaqsılandı.
920 puqara adaptiv sportqa tartıldı.
Mayıplıǵı bolǵan balalardıń 17 i kásip-óner kolledjinde 7 bala Joqarı oqıw ornında bilim almaqta.
Nókis qalası boyınsha 23 mektepte 99 inklyuziv klasslar shólkemlestirilgen. Sonnan 8 mektepte tosıqsız ortalıq jaratılıp, 23 korrekcion klass shólemlestirilgen. 169 bala inklyuziv tálimge qamtıp alındı.
Tazyıq hám zorlıqqa ushıraǵan 314 hayal-qızǵa psixologiyalıq, huqıqıy hám sociallıq járdemler menen qamtıp alındı. Sonnan: 40 hayal-qızlar "Hayal-qızlardı reabilitaciyalaw" orayına jaylastırılǵan, 52 zorlıqqa ushıraǵan hayal-qız "Birlemshi járdem" xanalarına jaylastırılǵan.
Jazanı orınlaw mákemesinen azat etilgenlerdi jámiyetlik ortalıqqa beyimlestiriw hám sociallıq qollap-quwatlaw maqsetinde ámeliy jumıslar alıp barıldı. Jámi 75 jazanı orınlaw mákemesinen azat etilgen shaxs penen jumıs alıp barılıp, 75 adamǵa bir mártelik materiallıq járdem kórsetildi. 7 adamnıń bántligi támiyinlendi.
Ózbekstan Respublikası Prezidentiniń 2026-jıl 27-apreldegi "Ruwxıy jaǵdayı buzılǵan mayıplıǵı bolǵan shaxslarǵa sociallıq xızmet kórsetiw sistemasın elede jetilistiriw boyınsha qosımsha ilajlar haqqında"ǵı
PP-69-sanlı Pármanınıń orınlanıwın támiyinlew maqsetinde jámi
44 puqaraǵa tiyisli ilajlar ámelge asırıldı.
Sonıń ishinde: Tereń dárejedegi aqılıy kemshilik diagnozı qoyılǵan jeti mayıplınıń háreketke uqıpsızlıǵı boyınsha Sud qararları hám Hákimlik qararları tiykarında kútim napaqaları tayınlandı.
Házirgi waqıtta tórt mayıplıǵı bolǵan puqara Jańa kún qaraw xızmetinen paydalanadı. 18 Ruwxıy jaǵdayı buzılǵan mayıplıǵı bolǵan puqaralar atınan Sudqa dawa arzaları kirgizildi.
Aldaǵı waqıtta xalqımızdıń social xızmetlerge mútáj bolǵan qatlamın úyrenip shıǵıp olardı qollap-quwatlawǵa, xalqımızdıń sociallıq jaǵdayın elede jaqsılawǵa bar kúsh jigerimiz benen xızmet etemiz.