Mámleketimizde bolsa bul ushın bizde imkaniyatlar jeterli.
2026-09-21 16:00:00 / Jańalıqlar
A.Daniyarov: «Ayırım mekteplerdiń dálizleri payızsız. Sebebi, jas oqıwshını qızıqtıratuǵın kórgizbeli bannerler joq. Balalar kitap kórmey, telefonda waqıt ótkermekte, ruwxıy azıq alıwda boslıqlar jol qoyılmaqta, sizler bolsa buǵan tamashagóy bolıp otırsızlar?!»
Húrmetli Prezidentimiz usı jıldıń 19-sentyabr kúni Qaraqalpaqstanǵa saparı dawamında berilgen tapsırmalardan kelip shıǵıp, házirgi waqıtta qala hákimi A.Daniyarovtıń mektepke shekemgi hám mektep bilimlendiriw tarawında ámelge asırılıp atırǵan jumıslar sın kózqarastan dodalanbaqta.
Álbette, aytıwımız orınlı Jańa Ózbekstandı qurıwda jaslar bilim-tárbiyasında sapa kórsetkishin jetilistirip barıwımız kerek ekenligine ayrıqsha itibar qarattı.
Xabarıńız bar, Húrmetli Prezidentimizdiń 19-sentyabrde qaraqalpaq xalqınıń ullı klassik shayırı Berdaq Ǵarǵabay ulınıń 200 jıllıǵın belgiliw usınısın keń jámiyetshilik qollap-quwatlaǵan edi.
Prezidentimiz shayırdıń "Hámme waqıt sen xızmet etkil xalıq ushın, ózim deme ǵamxorlıq et xalıq ushın" degen hikmetli sózleri búgin de óz áhmiyetin joǵaltpaǵanın atap ótken edi.
Haqıyqatında da shayır aytqanınday búgingi jaslardı ustaz -muǵallimlerimiz itibarsızlıqqa jol qoymay, olardıń Ana watanına sadıq xızmet etiwinde sapalı tálim tárbiya berip Jańa Ózbekstannıń múnásip perzentleri bolıp jetisiwine jan kúydirip, úles qosıwı tiyis.
Mámleketimizde bolsa bul ushın bizde imkaniyatlar jeterli.